ជីវិតកម្សាន្ដ

ខាន់ ជេមស៍ បណ្ដុះកូនប្រុស-ស្រីទាំង ៤ ឲ្យដើរតាមគន្លងសិល្បៈ

បានផុស

២ years មុន

នៅ

ថ្ងៃសុក្រ ២ ធ្នូ ២០២២

ដោយ

លោក ខាន់ ជេមស៍ ដែលជាតារាចម្រៀងប្រុសល្បីឈ្មោះយូរឆ្នាំមកហើយនោះ កាលពីថ្មីៗនេះ មានដំណឹងថា លោកគ្រោងបើកផលិតកម្មថ្មីផ្ទាល់ខ្លួន បន្ទាប់ពីចាកចេញពីផលិតកម្មសាន់ដេជាផ្លូវការ ក្រោយរួមរស់សាងកេរ្តិ៍ឈ្មោះជាមួយផលិតកម្មនេះជាច្រើនឆ្នាំកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ទន្ទឹមគ្នា នៃដំណឹងចាកចេញពីទ្រនំចាស់ផលិតកម្មសាន់ដេ ភ្លាមៗនោះ សាមីខ្លួនលោក ខាន់ ជេមន៍ ម្ចាស់បទ “ស្តាយក្រោយ” រូបនេះ ក៏បានប្រកាសដោយចំហចំពោះការសម្រេចបើកផលិតកម្មផ្ទាល់ខ្លួន ដោយក្នុងនោះលោកបានបណ្តុះថ្នាលសិល្បៈជំនាន់ថ្មីគឺកូនប្រុស-ស្រីទាំង ៤ ឲ្យដើរតាមគន្លងសិល្បៈដូចលោកទៀតផង។

តារាចម្រៀងលោក ខាន់ ជេមស៍ បានបញ្ជាក់ឲ្យដឹងថា នេះជាទំព័រប្រវត្តិសាស្ត្រថ្មីមួយសម្រាប់ខ្ញុំបាទ ដែលអាចនិយាយថា ជាសមិទ្ធផលមួយដ៏អស្ចារ្យសម្រាប់ខ្ញុំ ដែលមានកូនៗទាំង ៤ នាក់ អាចរួមដំណើរលើវិស័យសិល្បៈជាមួយ ព្រមទាំងបន្តរក្សាសមិទ្ធផលស្នាដៃរបស់ខ្ញុំ។ ពួកគាត់ជាគ្រាប់ពេជ្រនៅក្នុងគ្រួសារ ហើយក៏ជាគ្រាប់ពេជ្រសំខាន់របស់ Khan James Producton ផងដែរ។

លោក ខាន់ ជេមស៍ និយាយទៀតថា មិនត្រឹមតែប៉ុណ្ណោះ យើងក៏មានចក្ខុវិស័យបន្តអភិវឌ្ឍន៍ខ្លួនទៅ ជាគ្រាប់ពេជ្រនៅក្នុងសង្គម និងដឹកនាំវិស័យសិល្បៈកម្ពុជាដើរឆ្ពោះទៅកាន់ឆាកអន្តរជាតិទៀតផង។