អាយុ ៦០ឆ្នាំហើយ ស្ដេចកំប្លែង ​ទិនហ្វី នៅតែមាំទាំ ដើរលេងដូចយុវវ័យ

ទោះបីជាខ្លួនឈានចូលវ័យ ៦០ឆ្នាំហើយក៏ដោយ ប៉ុន្តែស្ដេចកំប្លែង ទិនហ្វី (Stephen Chow) មើលទៅមានសុខភាពល្អ ​រាងកាយមាំទាំ ស្របពេលដែលថ្មីៗនេះលោកបានទៅដើរលេងជិះស្គីយ៉ាងរំភើយ មិនដូចមនុស្សចាស់ហុកសិបប្លាយទាល់តែសោះ។

មួយរយៈមុន ស្ដេចកំប្លែង ទិនហ្វី ហាក់មិនសូវចេញមុខជាសាធារណៈប៉ុន្មានឡើយ ដោយសារជំងឺយាយី នាំឱ្យសុខភាពទ្រុឌទ្រោម និងស្លេកស្លាំង ប៉ុន្តែពេលនេះលោកមើលទៅស្រស់បស់ជាងមុនឆ្ងាយ ថែមទាំងមានកម្លាំងដើរកម្សាន្តជាមួយមិត្តភក្តិយ៉ាងរីករាយទៀតផង។

តាមរយៈវីដេអូដែលតារាប្រុសហុងកុងរូបនេះបង្ហោះនៅលើបណ្ដាញសង្គមផ្ទាល់ខ្លួន ទស្សនិកជនឃើញ លោកស្លៀកឈុតហែលទឹកពណ៌ខ្មៅតឹងណែន បង្ហាញពីរាងកាយដែលមានសុខភាពល្អ បើធៀបនឹងមិត្តភក្ដិដែលមានវ័យស្របាលគ្នា ​ទិនហ្វី ពិតជាមានសុខភាពល្អមាំទាំមែនទែន។ មិនតែប៉ុណ្ណោះ ផលិតកររូបនេះ បាន​បង្ហាញ​ជំនាញ​ជិះ​ស្គី​លើ​សមុទ្រ​យ៉ាង​ប៉ិនប្រសប់ នាំឱ្យទស្សនិកសរសើរព្រាត ព្រោះកម្រឃើញលោកជិះស្គីណាស់។

ទស្សនិកជនមួយចំនួនថែមទាំងខមមិនថា ពួកគេស្ទើរតែមិនជឿឡើយថា ស្តេចកំប្លែងហុងកុងរូបនេះ អាចលេងកីឡាជិះស្គីយ៉ាងជំនាញ ហើយលោកថែមទាំងចេះវាយកូនគោលយ៉ាងស្ទាត់ផងដែរ៕

ប្រែសម្រួល៖ សន្យា

ចុចអាន៖ ប្រឡូកសិល្បៈជាង ៤០ឆ្នាំ ស្ដេចកំប្លែង ទិនហ្វី ទើបបង្កើតគណនីបណ្ដាញសង្គមផ្ទាល់ខ្លួន

ចុចអាន៖ ទ្រព្យចាយមិនខ្វះ​ តែ ទិនហ្វី បែររិះថាំរឿងទាំងនេះខ្លាំងបំផុត