សន្តិសុខសង្គម

ភ្លើងឆេះផ្ទះពលរដ្ឋនៅភូមិចុងកោះ ១ ខ្នង កណ្ដាលយប់ មិនទាន់ដឹងមូលហេតុ

បានផុស

២ years មុន

នៅ

ថ្ងៃអង្គារ ៦ ធ្នូ ២០២២

ដោយ

ផ្ទះប្រជាពលរដ្ឋ ១ ខ្នង ត្រូវបានអគ្គិភ័យឆេះស្ទើរតែទាំងស្រុង មិនទាន់ដឹងពីមូលហេតុ។ ហេតុការណ៍គ្រោះអគ្គិភ័យនេះបានកើតឡើងនៅវេលាម៉ោងជាង ១០ យប់ ថ្ងៃទី ០៥ ខែធ្នូ ឆ្នាំ ២០២២ ចំណុចមុខកំពង់ផែសាឡាងដរ ក្នុងភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លុយ ឌីណា ស្នងការរងនគរបាលខេត្តកំពង់ឆ្នាំងទទួលផែននគរបាលពន្លត់អគ្គិភ័យតាមប្រព័ន្ធតេឡេក្រាមបានឲ្យដឹងថា នៅក្នុងហេតុការណ៍ខាងលើនេះ កងកម្លាំងការិយាល័យនគរបាលពន្លត់អគ្គិភ័យ នៃស្នងការនគរបាលខេត្ត បានប្រើប្រាស់រថយន្តពន្លត់អគ្គិភ័យចំនួន ០៦ គ្រឿង អន្តរាគមន៍បាញ់ពន្លត់ជាបន្តបន្ទាប់ តាំងពីម៉ោង ១០ ជាងយប់ រហូតដល់ម៉ោងជាង ១១ និង ៣៥ នាទីយប់ ទើបទប់ស្កាត់ការរាលដាល នៃគ្រោះអគ្គិភ័យខាងលើនេះបាន។

ដោយឡែកចំពោះទំហំ នៃការខូចខាតប៉ុន្មាននោះ សមត្ថកិច្ចមិនទាន់បញ្ជាក់ឲ្យដឹងច្បាស់លាស់ទេ គ្រាន់តែប្រាប់ថា ឆេះផ្ទះអស់ ១ ខ្នងហើយ។ មូលហេតុ នៃការឆេះយ៉ាងណានោះ ក៏សមត្ថកិច្ច មិនទាន់ស្រាវជ្រាវដឹងនៅឡើយ៕

អត្ថបទ ៖ ឈៀង ថារិទ្ធ