ព័ត៌មានជាតិ

ផ្ទះសង់ពីថ្មក្រោមឈើលើឆាបឆេះសន្ធោសន្ធៅ សំណាងប្រជាពលរដ្ឋ រួមគ្នាពន្លត់រលត់ទាន់

បានផុស

៤ years មុន

នៅ

ថ្ងៃពុធ ៦ មករា ២០២១

ដោយ

ភ្នំពេញ ៖ តាមសេចក្តីរាយការណ៍ពីលោកយ៉ិន វុធ ចៅសង្កាត់ច្បារអំពៅទី២បាននិយាយថា កាលពីរសៀលថ្ងៃទី៦ខែមករានេះ មានអគ្គិភ័យមួយបានកើតឡើងនៅភូមិកណ្តាល សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកចៅសង្កាត់បន្តថា អគ្គិភ័យនេះកើតឡើងនៅផ្ទះរបស់លោកយាយអ៊ិន យិន អាយុ៨២ឆ្នាំ ដែលសង់ពីថ្មក្រោមឈើលើ។

លោកយ៉ិន វុធ បានបន្តថា ករណីអគ្គិភ័យនេះផ្តើមឡើងពីបន្ទប់ខាងលើនាវេលាម៉ោង១៧និង០០នាទីរសៀល ខណៈដែលម្ចាស់ផ្ទះមិននៅ។ ហើយភ្លាមៗប្រជាពលរដ្ឋដែលរស់នៅក្បែរខាងបាននាំគ្នាទាញទុយយោទឹក និង ខ្លះដងទឹកជះដែលមានគ្នារាប់រយនាក់ព្រោះបើហ៊ានតែឆេះខ្លាំងអាចរាលដាលដល់ផ្ទះជិតខាងរាប់ពាន់ខ្នងព្រោះតែផ្ទះកៀកៗគ្នា។

គួរបញ្ជាក់ថា ទីតាំងនេះធ្លាប់រងការឆេះចំនួន២លើកមកហើយ ដែលកន្លងមកដោយសារទុសេខ្សែភ្លើង ខណៈពេលនេះមិនទាន់រកមូលហេតុឃើញព្រោះតែម្ចាស់មិននៅផ្ទះ៕
ដោយ ៖ នរា