សន្តិសុខសង្គម
កាត់ទោសបុរសចិន ខ្មែរ៧នាក់ ករណីផលិតគ្រឿងញៀន
បុរសជនជាតិចិន ខ្មែរ ចំនួន៧នាក់ត្រូវបានក្រុមប្រឹក្សាតុលាការរាជធានីភ្នំពេញ បើកសវនាការកាត់ទោសពាក់ព័ន្ធសំណុំរឿង « រក្សាទុក ដឹកជញ្ជូន ផលិត និងជួញដូរគ្រឿងញៀន » បន្ទាប់សំណុំរឿងនេះត្រូវបានពន្យាពេលម្ដងហើយម្ដងទៀតអស់រយៈពេល២ឆ្នាំមកហើយ ។
ជនត្រូវចោទទាំង៧នាក់ដែលតុលាការកាត់ទោសរួមមាន ៖
១/ ឈ្មោះ Qiang Liang ភេទប្រុសជនជាតិចិន អាយុ៥៦ឆ្នាំ ។
២/ ឈ្មោះ តែ ម៉េងហួត ភេទប្រុស អាយុ៣០ឆ្នាំ ជនជាតិខ្មែ មេការឃ្លាំងស្តុកម៉ាសុីនផលិតគ្រឿងញៀន ។
៣/ ឈ្មោះ ហ្វុង ហាឡុង ភេទប្រុស អាយុ២៩ឆ្នាំ ជនជាតិខ្មែរ ជាអ្នកបើកបររថយន្តដឹកជញ្ជូន ។
៤/ ឈ្មោះ ជន ចិន្ដា ហៅម៉ាប់ ជនជាតិចិនតៃវ៉ាន់ ( រត់គេចខ្លួន) ។
៥/ ឈ្មោះ ហេង ម៉េងហូរ ជនជាតិចិន ( រត់គេចខ្លួន ) ។
៦/ ឈ្មោះ ហួរ ម៉េងកឺ ភេទប្រុស ជនជាតិចិន ( រត់គេចខ្លួន ) ។
៧/ ឈ្មោះ ឡៅ ប៉ាន់ ជនជាតិចិន ជាថៅកែ ( រត់គេចខ្លួន) ។
នៅក្នុងសវនាការដែលដឹកនាំដោយលោក ធាម ចាន់ពិសិដ្ឋ ជាប្រធានក្រុមប្រឹក្សាជំនុំជំរះ និងលោក ហេង ផេង ជាតំណាងអយ្យការ ជនត្រូវចោទឈ្មោះ ហ្វុង ហាឡុង បានសារភាពថា តាមបញ្ជារបស់ថៅកែធំឈ្មោះ ឡៅ ប៉ាន់ នៅថ្ងៃទី ១៩ខែកុម្ភៈ ឆ្នាំ២០២០ ខ្លួនបានបើករថយន្តមួយតោនកន្លះដឹកឥវ៉ាន់មួយចំនួនមកប្រគល់អោយមេការឈ្មោះ Qiang Liang ភេទប្រុស លុះណាត់គ្នានៅមុខអាកាសយានដ្ឋានអន្តរជាតិភ្នំពេញក៏ត្រូវសមត្ថកិច្ចចាប់ខ្លួនតែម្ដង ។ ចំណែកជនជាប់ចោទឈ្មោះ តែ ម៉េងហួត បានសារភាពថា ខ្លួនជាមេការឃ្លាំងដាក់សម្ភារៈនៅក្នុងខណ្ឌកំបូល ត្រូវបានសមត្ថកិច្ចកោះហៅអោយចូលខ្លួនមកសាកសួរ ហើយក៏ត្រូវតុលាការឃុំខ្លួនតែម្ដង ។ ដោយឡែកជនជាប់វោទឈ្មោះ Qiang Liang បានសារភាពថា ខ្លួនត្រូវថៅកែប្រាប់អោយមកចាំទទួលឥវ៉ាន់ដាក់ឃ្លាំងលុះពេលណាត់ជួបគ្នាក៏ត្រូវចាប់តែម្ដង ។
តាមឯកសារដែលតុការបង្ហាញត្រួសៗ យ៉ាងហោចណាស់មានសារធាតុគីមីដែលអាចផ្សំជាគ្រឿងញៀនចំនួន១១មុខ មានទម្ងន់រាប់រយគីឡូ និងម៉ាសុីនផលិតថ្នាំចំនួន១៤គ្រឿងត្រូវបានសមត្ថកិច្ចសន្តិសុខផ្ទៃក្នុងក្រសួងមហាផ្ទៃចាប់រឹបអូសនៅកន្លែងស្តុកទុកចំនួន៣កន្លែងផ្សេងគ្នាកាលពីដើមឆ្នាំ២០២០ ដូចជានៅឃ្លាំងស្តុកក្នុងខណ្ឌកំបូល បាលីរីសត ខណ្ឌជ្រោយចង្វារ និងខុនដូក្នុងខណ្ឌបឹងកេងកង ជាដើម ។
ក្នុងសំណុំរឿងគ្រឿងញៀន តំណាងអយ្យការបានស្នើអោយក្រុមប្រឹក្សាជំនុំជំរះផ្ដន្ទាទោសក្រុមជនជាប់ចោទអោយបានធ្ងន់ធ្ងរតាមច្បាប់កំណត់ ។ តុលាការបានប្រកាសពន្យាពេលប្រកាសសាលក្រមដោយមិនកំណត់ ៕
អត្ថបទ៖ មករា
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ