កីឡា

ចម្លើយឆ្លើយតបរបស់ Ronaldo អំពីការផ្លាស់ទៅលេងនៅលីគអារ៉ាប៊ីសាអូឌីត

បានផុស

២ years មុន

នៅ

ថ្ងៃពុធ ៧ ធ្នូ ២០២២

ដោយ

Cristiano Ronaldo ប្រធានក្រុមជម្រើសជាតិព័រទុយហ្គាល់ និយាយថា គេមិនទាន់បានយល់ព្រមចុះកុងត្រាជាមួយក្លិប Al Nassr ដែលជាក្លិបនៅអារ៉ាប៊ីសាអូឌីត ដូចពាក្យចចាមអារ៉ាមនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ronaldo បានក្លាយជាកីឡាករគ្មានតម្លៃខ្លួន បន្ទាប់ពីគេ និងក្លិប Manchester United បានបញ្ចប់កុងត្រាមុនកាលកំណត់ដោយការយល់ព្រមគ្នាទៅវិញទៅមក។

យ៉ាងណាមិញប៉ុន្មានថ្ងៃមុននេះ Ronaldo ត្រូវបានរាយការណ៍ថា មានទំនាក់ទំនងជាមួយ ក្លិប Al Nasser ហើយវាត្រូវបានគេនិយាយទៀតថា ក្រុមនៅតំបន់មជ្ឈិមបូព៌ាមួយនេះបានត្រៀមខ្លួនរួចរាល់ហើយក្នុងការដាក់សំណើប្រាក់ខែតម្លៃជិត ១០០ លានអឺរ៉ូ។

កាសែតអេស្ប៉ាញ Marca ថែមទាំងរាយការណ៍ថា Ronaldo បានទទួលយកសំណើពី Al Nasser ហើយជិតចុះកុងត្រាហើយ។ បន្ទាប់ពីការប្រកួត World Cup 2022 វគ្គ ១៦ ក្រុមចុងក្រោយ ព័រទុយហ្គាល់ បានយកឈ្នះ ស្វីស ៦-១ មានអ្នកសារព័ត៌មានបានសួរ Ronaldo អំពីរឿងនេះ ហើយកីឡាករវ័យ ៣៧ ឆ្នាំរូបនេះ បានឆ្លើយថា “ទេ វាមិនមែនជារឿងពិត វាមិនពិតទេ”។

អ្នកកាសែតដែលល្បីដឹងព័ត៌មានមុន លោក Fabrizio Romano ក៏បាននិយាយផងដែរថា ការពិភាក្សារវាង Ronaldo និង Al Nasser មិនទាន់ត្រូវបានបញ្ចប់នៅឡើយទេ។ គេជឿថា Ronaldo ចង់ផ្ដោតលើសមរភូមិ World Cup 2022 ជាមុនសិន៕

ប្រភព ៖ en.as.com

អត្ថបទ ៖ មន្នីរ័ត្ន