ព័ត៌មានអន្ដរជាតិ

ពូទីន៖ រុស្ស៊ី មិនឆ្កួតទៅប្រើនុយក្លេអ៊ែរទេ តែមានលក្ខខណ្ឌនឹងបាញ់ (មានវីដេអូ)

បានផុស

២ years មុន

នៅ

ថ្ងៃព្រហស្បតិ៍ ៨ ធ្នូ ២០២២

ដោយ

លោក វ្ល៉ាឌីមៀរ ពូទីន បាននិយាយថា ការគំរាមកំហែងនៃសង្គ្រាមនុយក្លេអ៊ែរ កំពុងកើនឡើង ប៉ុន្តែបានទទូចថា រុស្ស៊ីមិន ឆ្កួតទៅបាញ់អាវុធនុយក្លេអ៊ែររបស់ខ្លួន មុននោះទេ។

ប្រធានាធិបតីរុស្ស៊ីរូបនេះបានលើកឡើងថា ប្រទេសរបស់លោក នឹងប្រើអាវុធប្រល័យលោក តែក្នុងលក្ខខណ្ឌដើម្បីឆ្លើយតបទៅនឹងការវាយប្រហារមួយប៉ុណ្ណោះ។

សមត្ថភាពរបស់រុស្ស៊ី ក្នុងការប្រើប្រាស់អាវុធនុយក្លេអ៊ែរ បានស្ថិតនៅក្រោមការពិនិត្យមើលកាន់តែខ្លាំង ចាប់តាំងពីប្រទេសនេះ បើកការវាយលុកអ៊ុយក្រែនក្នុងខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលនិយាយអំពីអនាគតនៃសង្គ្រាមនុយក្លេអ៊ែរ លោក ពូទីន បានព្រមានតាមរយៈវីដេអូចេញពីទីក្រុងមូស្គូថា “ការគំរាមកំហែងបែបនេះកំពុងកើនឡើង ការលាក់បាំងវានឹងជារឿងខុសឆ្គង”។

ប៉ុន្តែលោកបានអះអាងថា រុស្ស៊ីនឹងមិនស្ថិតក្នុងកាលៈទេសៈប្រើប្រាស់សព្វាវុធបែបនេះមុនគេឡើយ ហើយនឹងមិនគំរាមកំហែងនរណាម្នាក់ជាមួយអាវុធនុយក្លេអ៊ែររបស់ខ្លួននោះទេ។ លោកបន្តថា “យើងមិនបានឆ្កួតទេ យើងដឹងថាអាវុធនុយក្លេអ៊ែរជាអ្វី”។

ស្របពេលជាមួយគ្នានោះ លោកពូទីនក៏បានអួតផងដែរថា រុស្ស៊ីមានអាវុធនុយក្លេអ៊ែរទំនើប និងជឿនលឿនបំផុតលើពិភពលោក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ លោក ពូទីន បញ្ជាក់ច្បាស់ៗពីមូលហេតុ ដែលរុស្ស៊ី វាយប្រហារហេដ្ឋារចនាសម្ព័ន្ធអ៊ុយក្រែន