ព័ត៌មានជាតិ

រាជបណ្ឌិត្យសភាកម្ពុជាបញ្ជូនអ្នកសិក្សាស្រាវជ្រាវ០៣រូប ទៅបន្តការសិក្សាថ្នាក់បរិញ្ញាបត្រជាន់ខ្ពស់នៅសាធារណរដ្ឋកូរ៉េ (ប្រទេសកូរ៉េខាងត្បូង)

បានផុស

២ years មុន

នៅ

ថ្ងៃព្រហស្បតិ៍ ៨ ធ្នូ ២០២២

ដោយ

នៅឆ្នាំ២០២២នេះ រាជបណ្ឌិត្យសភាកម្ពុជាបានបញ្ជូនបេក្ខជន និងបេក្ខនារី ចំនួន៣រូប ក្នុងចំណោមបេក្ខជន បេក្ខនារីជាច្រើនដែល បានឆ្លងកាត់ការប្រឡងនិងសម្ភាសន៍ ទៅសិក្សាបន្តនៅវិទ្យាស្ថានអភិវឌ្ឍន៍កូរ៉េ (KDI) ដែលជាដៃគូសហការជាមួយ NRC។ បេក្ខជន បេក្ខនារី ទាំង៣រូប ដែលបានជាប់ជាស្ថាពរមាន៖

១- គិន ទេពមុនីនាថ ភេទស្រី ជាប់ស្ថាពរ ទៅសិក្សាថ្នាក់បរិញ្ញាបត្រជាន់ខ្ពស់ ជំនាញគោលនយោបាយអភិវឌ្ឍន៍

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២- ថោង ពៅពិសា ភេទស្រី ជាប់ស្ថាពរ ទៅសិក្សាថ្នាក់បរិញ្ញាបត្រជាន់ខ្ពស់ ជំនាញគោលនយោបាយសាធារណៈ

៣- ផល្លា លៀងហៃ ភេទប្រុស ជាប់ស្ថាពរ ទៅសិក្សាថ្នាក់បរិញ្ញាបត្រជាន់ខ្ពស់ជំនាញ គោលនយោបាយសាធារណៈ

រាជបណ្ឌិត្យសភាកម្ពុជាសូមចូលរួមអបអរសាទរជាមួយប្អូនៗដែលបានជាប់ជាស្ថាពរ និងលើកទឹកចិត្តឱ្យប្អូនៗខិតខំប្រឹងប្រែងបន្តទៀត។

សូមបញ្ជាក់ថា រាជបណ្ឌិត្យសភាកម្ពុជា បានចុះអនុស្សរណៈយោគយល់គ្នា ជាមួយក្រុមប្រឹក្សាជាតិសម្រាប់ការស្រាវជ្រាវសេដ្ឋកិច្ច មនុស្សសាស្ត្រ និងវិទ្យាសាស្ត្រសង្គម នៃសាធារណរដ្ឋកូរ៉េ (NRC) លើការបណ្តុះបណ្តាសមត្ថភាពធនធានមនុស្ស និងអ្នកសិក្សាស្រាវជ្រាវវ័យក្មេង កាលពីថ្ងៃទី១៥ ខែមីនា ឆ្នាំ២០១៩។

នៅឆ្នាំ២០២៣ ខាងមុខ រាជបណ្ឌិត្យសភាកម្ពុជា នឹងបន្តបេសកកម្មរបស់ខ្លួនដើម្បីចូលរួមចំណែកជាមួយរាជរដ្ឋាភិបាលក្នុងការអភិវឌ្ឍធនធានមនុស្ស តាមរយៈការផ្ដល់អាហារូបករណ៍ ដល់មន្ត្រី និង និស្សិត ដែលមានបំណងចង់សិក្សាបន្តថ្នាក់បរិញ្ញាបត្រជាន់ខ្ពស់ នៅសាធារណរដ្ឋកូរ៉េ៕

Related Topics:រាជបណ្ឌិត្យសភាកម្ពុជា