ព័ត៌មានអន្ដរជាតិ

អាមេរិក នឹងបន្តចូលរួមជាមួយ រុស្ស៊ី សម្រាប់ការដោះដូរពលរដ្ឋរបស់ខ្លួនបន្ថែមទៀត

បានផុស

២ years មុន

នៅ

ថ្ងៃសុក្រ ៩ ធ្នូ ២០២២

ដោយ

រដ្ឋមន្ត្រីការបរទេសអាមេរិកលោក Antony Blinken បាននិយាយថា ទីក្រុងវ៉ាស៊ីនតោន នឹងបន្តចូលរួមជាមួយទីក្រុងមូស្គូ ដើម្បីទទួលបានការដោះលែងពលរដ្ឋអាមេរិកបន្ថែមទៀត ជាពិសេសគឺលោក Paul Whelan ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Blinken បានថ្លែងបែបនេះទៅកាន់អ្នកសារព័ត៌មានកាលពីថ្ងៃព្រហស្បតិ៍ បន្ទាប់ពីការប្រកាសរបស់លោកប្រធានាធិបតី Joe Biden ចំពោះការដោះលែងកីឡាករបាល់បោះអាមេរិក Brittney Griner ចេញពីពន្ធនាគារក្នុងប្រទេសរុស្ស៊ី ជាផ្នែកមួយនៃការដោះដូរអ្នកទោស ។

ប៉ុន្តែទីក្រុងមូស្គូបានបដិសេធមិនរាប់បញ្ចូលលោក Whelan ចំពោះការដោះដូរអ្នកទោសនៅពេលនេះនោះទេ ។ អតីតទាហានជើងទឹកអាមេរិករូបនេះត្រូវបានឃុំខ្លួនក្នុងឆ្នាំ ២០១៨ ក្រោមបទចោទប្រកាន់ចារកម្ម ។

លោក Blinken បាននិយាយថា “ប្រទេសរុស្ស៊ីបានបន្តឃើញករណីរបស់លោក Whelan តាមរយៈកញ្ចក់ឆ្លុះមុខខ្លួនឯង ដោយធ្វើការចោទប្រកាន់ចារកម្មក្លែងក្លាយ ហើយពួកគេកំពុងប្រព្រឹត្តខុសពីអ្វីដែលពួកគេបានប្រព្រឹត្តចំពោះ Brittney Griner” ។

ជាចុងក្រោយ លោកបានបន្តថា ទីក្រុងវ៉ាស៊ីនតោននឹងបន្តចូលរួមជាមួយភាគីរុស្ស៊ី ហើយសម្លឹងមើលគ្រប់ជំហានដែលអាចធ្វើទៅបានដើម្បីនាំលោក Whelan ត្រឡប់មកសហរដ្ឋអាមេរិកវិញ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក ពូទីន ទទួលស្គាល់ថា រុស្ស៊ី ពិតជាបានវាយប្រហារលើទីតាំងថាមពល អ៊ុយក្រែន