ព័ត៌មានជាតិ
ក្រសួងរ៉ែ នឹងសង់ស្ថានីយផលិតអគ្គិសនីខ្នាតតូចដើរដោយពន្លឺព្រះអាទិត្យនៅភូមិដាច់ស្រយាល ចំនួន ៩
ក្រសួងរ៉ែ និងថាមពល នឹងសាងសង់ស្ថានីយផលិតអគ្គិសនីខ្នាតតូចដើរដោយពន្លឺព្រះអាទិត្យនៅភូមិដាច់ស្រយាលចំនួន ៩ ក្នុងខេត្តរតនគីរី និងខេត្តកំពង់ឆ្នាំង ដើម្បីឲ្យប្រជាជនទទួលបានអគ្គិសនីប្រើប្រាស់ប្រចាំថ្ងៃប្រកបដោយថាមពលស្អាត និងមានតម្លៃសមរម្យ។
លោក ហេង គុណលាង អគ្គនាយក នៃអគ្គនាយកដ្ឋានថាមពល នៃក្រសួងរ៉ែ និងថាមពល បានមានប្រសាសន៍នៅព្រឹកថ្ងៃទី ១៧ ធ្នូនេះថា គម្រោងថាមពលកកើតឡើងវិញប្រកបដោយបរិយាបន្ននៅតំបន់ដាច់ស្រយាល បានចាប់ផ្ដើមអនុវត្តចាប់ពីខែមីនា ឆ្នាំ ២០២២ ដល់ខែកុម្ភៈ ឆ្នាំ ២០២៤។
លោកអគ្គនាយកបានបន្តថា គម្រោងនេះ មានការគាំទ្ររបស់ស្ថានទូតជប៉ុនប្រចាំប្រទេសកម្ពុជា និងអនុវត្តដោយកម្មវិធីអភិវឌ្ឍន៍សហប្រជាជាតិ (UNDP) ប្រចាំនៅកម្ពុជា និងក្រសួងរ៉ែ និងថាមពល ដែលមានថវិកាសរុបចំនួន ២០០ លានយេន ប្រហាក់ប្រហែល ១,៦២ លានដុល្លារអាមេរិក ដើម្បីផ្ដល់ឲ្យប្រជាជនចំនួន ១៣០០ ខ្នងផ្ទះ នូវការផ្គត់ផ្គង់អគ្គិសនីមួយដែលប្រើប្រាស់ថាមពលស្អាត មានតម្លៃសមរម្យ និងអាចទុកចិត្តបាន តាមរយៈការអភិវឌ្ឍស្ថានីយផលិតអគ្គិសនីខ្នាតតូចដើរដោយពន្លឺព្រះអាទិត្យ។
លោកអគ្គនាយកបានបន្តទៀតថា គម្រោងនេះ នឹងអនុវត្តនៅក្នុងខេត្តកំពង់ឆ្នាំង និងខេត្តរតនគិរី។ ក្នុងនោះខេត្តកំពង់ឆ្នាំងមាន ៦ ភូមិ គឺភូមិប្រឡាយមាស ភូមិក្រងផ្តិល ស្ថិតក្នុងឃុំប្រឡាយមាស ស្រុកកំពង់លែង ភូមិដំណាក់រាជ្យ ស្ថិតក្នុងឃុំកំពង់ព្រះគគីរ ស្រុកបរិបូរណ៍ និងភូមិថ្នល់ឈើទាល ភូមិពាមខ្នង និងភូមិស្លត ស្ថិតក្នុងឃុំផ្លូវទូក ស្រុកកំពង់លែង ហើយខេត្តរតនគិរី មានចំនួន ៣ ភូមិ គឺភូមិភិ ស្ថិតក្នុងឃុំសេសាន ភូមិតាបូក នៅឃុំតាវ៉ែងលើ និងភូមិប៉ាហ៊យ នៅឃុំកោះប៉ង់ ខេត្តរតនគិរី ។
ថ្មីៗនេះលោក ហេង គុណលាង បានដឹកនាំកិច្ចប្រជុំពិភាក្សា និងចុះពិនិត្យទីតាំង នៃការអនុវត្តគម្រោងថាមពលកកើតឡើងវិញប្រកបដោយបរិយាបន្ននៅតំបន់ដាច់ស្រយាល នៅខេត្តរតនគិរី ដើម្បីកំណត់ទីតាំងដំឡើងសូឡា យន្តការ នៃការគ្រប់គ្រង និងការថែទាំដោយមាននិរន្តរភាព។
លោក ហេង គុណលាង បានបញ្ជាក់ថា គម្រោងនេះ នឹងចូលរួមចំណែកដល់ការអនុវត្តគោលនយោបាយរបស់រាជរដ្ឋាភិបាលក្នុងការសម្រេចឲ្យបាននូវការផ្គត់ផ្គង់អគ្គិសនីឲ្យបានគ្រប់ភូមិទាំងអស់នៅកម្ពុជា និងស្របតាមគោលដៅអភិវឌ្ឍន៍ប្រកបដោយចីរភាព ក៏ដូចជាចូលរួមចំណែកគោលដៅប្រយុទ្ធប្រឆាំងនឹងបម្រែបម្រួលអាកាសធាតុ៕
អត្ថបទ ៖ សំអឿន
បង្កើនប្រសិទ្ធភាពការងារ សហព័ន្ធគុនខ្មែរលែងដាក់អគ្គលេខាធិការពីគណៈកម្មការប្រតិបត្តិ
អ្នកនាំពាក្យថា ការដកខ្លួនរបស់អាមេរិកពីកិច្ចព្រមព្រៀងប៉ារីសស្ដីពីអាកាសធាតុមិនប៉ះពាល់ដល់គម្រោងលក់កាបូនរបស់កម្ពុជាទេ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
ការនាំចេញរបស់កម្ពុជាទៅកាន់ទីផ្សារអឺរ៉ុបសម្រេចបានជាង៤,៤ពាន់លានដុល្លារក្នុងឆ្នាំ២០២៤
អ្នកនាំពាក្យ៖ ពីរថ្ងៃនៃការអនុវត្តច្បាប់ចរាចរណ៍នៅផ្លូវ៦០ម៉ែត្រមានពលរដ្ឋចូលរួមសហការច្រើន និងបានពិន័យអ្នកបើកបរល្មើសល្បឿនមួយចំនួន
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ