ព័ត៌មានអន្ដរជាតិ
សមាជិកអង្គការណាតូ ជំរុញឲ្យជនស៊ីវិល ចូលហ្វឹកហ្វឺនជាមួយកងទ័ព (មានវីដេអូ)
អ្នកស្ម័គ្រចិត្តស៊ីវិលរាប់ពាន់នាក់ រួមទាំងកុមារផងដែរ នឹងត្រូវជ្រើសរើសដោយទីក្រុង វ៉ាសូវី នៅក្នុងកម្មវិធីហ្វឹកហ្វឺនយោធា រដូវរងា។
រដ្ឋមន្ត្រីការពារជាតិប៉ូឡូញ លោក Mariusz Blaszczak បាននិយាយថា ប៉ូឡូញ ចង់បណ្តុះបណ្តាលមនុស្សឲ្យបានច្រើនតាមដែលអាចធ្វើទៅបាន ដើម្បីត្រៀមខ្លួនសម្រាប់ពេលមានវិបត្តិ។
មនុស្សប្រហែល៤០០០ នាក់បានឆ្លងកាត់កម្មវិធី “ហ្វឹកហ្វឺនជាមួយកងទ័ព” ដំណាក់កាលដំបូងរួចទៅហើយកាលពីខែតុលា និងខែវិច្ឆិកា។ ឥឡូវនេះ ក្រសួងការពារជាតិ ចង់បង្កើនចំនួនអ្នកស្ម័គ្រចិត្តឡើងទ្វេដង និងបង្រៀនជំនាញយោធាដល់ជនជាតិប៉ូឡូញរហូតដល់ទៅ ៨០០០នាក់។ នេះបើតាមយោងតាមសេចក្តីប្រកាសកាលពីថ្ងៃចន្ទទី១៩ខែធ្នូ។
លោក Blaszczak បាននិយាយនៅក្នុងសុន្ទរកថាតាមទូរទស្សន៍ទៅកាន់ជនរួមជាតិថា “គោលដៅរបស់យើង គឺបង្រៀនជំនាញជាមូលដ្ឋានដល់មនុស្សឲ្យបានច្រើនតាមដែលអាចធ្វើទៅបាន។ ជំនាញទាំងនេះនឹងជួយអ្នក ប្រសិនបើអ្នកស្ថិតក្នុងវិបត្តិ ឬស្ថានភាពធ្ងន់ធ្ងរ”។
ជំនាញដែលដាក់ចេញដោយក្រសួងរួមមាន ការប្រើប្រាស់អាវុធ ការប្រយុទ្ធដោយដៃ ការរស់រានមានជីវិតក្នុងទីរហោស្ថាន ការប្រើប្រាស់របាំងមុខការពារឧស្ម័នឲ្យបានត្រឹមត្រូវ និងការផ្តល់ជំនួយសង្គ្រោះបឋម។
ក្រសួងការពារជាតិចង់ឲ្យមនុស្សដែលមានអាយុពី១៥ដល់៦៥ឆ្នាំ ចុះឈ្មោះ។ រដ្ឋមន្ត្រីក្រសួងការពារជាតិបានកត់សម្គាល់ថា រដ្ឋាភិបាលចាត់ទុកវគ្គហ្វឹកហ្វឺននេះ ជាមធ្យោបាយមួយដើម្បីលើកទឹកចិត្តប្រជាជនឲ្យជ្រើសរើសអាជីពក្នុងជួរកងទ័ព។
កាលពីខែកក្កដា លោក Blaszczak និយាយថា ប៉ូឡូញចង់មានកម្លាំងជើងគោកដែលមានសមត្ថភាពខ្លាំងបំផុតនៅអឺរ៉ុប។ ទីក្រុងវ៉ាសូវី មានបំណងចំណាយ ៣% នៃផលិតផលក្នុងស្រុកសរុបរបស់ខ្លួនលើវិស័យការពារជាតិ ដែលជាកម្រិតខ្ពស់បំផុតក្នុងចំណោមសមាជិកណាតូ ហើយចង់បង្កើនចំនួនកងកម្លាំងប្រដាប់អាវុធរបស់ខ្លួនពី១៤៣ ៥០០នាក់ដល់ ៣០០ ០០០ នាក់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ លោក ពូទីន ប្រកាស បង្កើន កិច្ចសហប្រតិបត្តិការ យោធា ជាមួយ សម្ព័ន្ធមិត្ត ចាក់ទឹកមិនលិច
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៣ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានជាតិ៦ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ