ថៃ រកឃើញសាកសពនាវិក ៦នាក់ ក្នុងហេតុការណ៍​ លិចនាវាចម្បាំង (មានវីដេអូ)

នាវិកម្នាក់ត្រូវបានជួយសង្គ្រោះ ខណៈសាកសពមនុស្សចំនួន៦នាក់ផ្សេងទៀតក្នុងចំណោមអ្នកបាត់ខ្លួនទាំង៣០នាក់ ត្រូវបានរកឃើញកាលពីថ្ងៃអង្គារទី២០ខែធ្នូ បន្ទាប់ពីនាវាចម្បាំងថៃមួយគ្រឿង បានលិចក្នុងសមុទ្រអំឡុងពេលព្យុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យកងទ័ពជើងទឹកថៃ ឧត្តមនាវី Pokkrong Monhatpalin បាននិយាយថា កងទ័ពជើងទឹកឥឡូវនេះ កំពុងផ្តោតលើការជួយសង្គ្រោះនាវិកចំនួន ២៣នាក់ដែលនៅសល់ បន្ទាប់ពីនាវាចម្បាំង HTMS Sukhothai បានលិចក្នុងឈូងសមុទ្រថៃ កាលពីថ្ងៃអាទិត្យទី២៨ខែធ្នូ។

នៅថ្ងៃចន្ទ, នាវិកនិងកងម៉ារីនចំនួន៣១នាក់ក្នុងចំណោម១០៦នាក់ ត្រូវបានរាយការណ៍ថា បាត់ខ្លួន។ បន្ទាប់មក នាវិកម្នាក់ត្រូវបានជួយសង្គ្រោះដោយនាវា HTMS Kraburi នៅខេត្ត Prachuap Khiri Khan។

មេទ័ពជើងទឹក ឧត្តមនាវីឯក Choengchai Chomchoengpaet ​បាន​សម្ដែង​ការ​សោកស្ដាយ​យ៉ាង​ខ្លាំង​ចំពោះ​អ្នក​ស្លាប់ និង​ចូលរួម​រំលែក​ទុក្ខ​ដល់​ក្រុម​គ្រួសារ​របស់​ពួក​គេ។

លោកនិយាយថា ការស៊ើបអង្កេតស្វែងរកការពិត នឹងចាប់ផ្តើមឡើង រួមទាំងពិនិត្យរបាយការណ៍អំពីចំនួនអាវពោងការពារជីវិតមិនគ្រប់គ្រាន់នៅលើនាវាផងដែរ។

ចំណែកឧត្តមនាវីឯក Chonlathit Nawanukhro នាយសេនាធិការកងទ័ពជើងទឹក បាននិយាយថា សាកសពកំពុងត្រូវបានបញ្ជូន ដើម្បីកំណត់អត្តសញ្ញាណជាផ្លូវការ។

លោក​បន្ថែម​ថា កង​ទ័ព​ជើង​ទឹក​នៅ​តែ​សង្ឃឹម​ថា ​នឹង​រក​ឃើញ​អ្នក​នៅ​រស់​បន្ថែម​ទៀត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ថៃ នៅតែសង្ឃឹម ខណៈបន្តស្វែងរកនាវិកបាត់ខ្លួនចំនួន ៣០នាក់