កីឡា
អតីតកីឡាករក្លិប Swansea City ទន្ទឹងរង់ចាំក្នុងការបង្ហាញខ្លួនលើកដំបូងពេលប៉ះកម្ពុជា ជាមួយឥណ្ឌូនេស៊ី
ខ្សែការពារជម្រើសជាតិឥណ្ឌូណេស៊ី Jordi Amat កំពុងស្វាគមន៍ចំពោះការប្រកួតបើកឆាកពូល A ពានរង្វាន់បាល់ទាត់ជើងឯកអាស៊ាន ឆ្នាំ២០២២ (AFF Mitushibishi Electric Cup) ទល់នឹងកម្ពុជា នៅថ្ងៃសុក្រ ទី២៣ ខែធ្នូស្អែកនេះ។ Jordi បានសារភាពថា គេមិនអាចរង់ចាំដើម្បីអាចបង្ហាញខ្លួនជាមួយក្រុមរហស្សនាម គ្រុឌ បានទេ។
ពេលលេងក្នុងការប្រកួត Jordi Amat នឹងបង្ហាញខ្លួនជាលើកដំបូងជាមួយនឹងក្រុមជម្រើសជាតិឥណ្ឌូនេស៊ី។ នោះហើយជាមូលហេតុដែល Jordi Amat ទន្ទឹងរង់ចាំការប្រកួតបើកឆាក AFF Cup ឆ្នាំ២០២២។
ទាក់ទងនឹងការប្រកួតជាមួយកម្ពុជា គេបានបញ្ជាក់ថា កីឡាករជម្រើសជាតិឥណ្ឌូនេស៊ីទាំងអស់បានត្រៀមខ្លួនរួចរាល់។កីឡាករវ័យ ៣០ឆ្នាំសង្ឃឹមថា ក្រុមរបស់ខ្លួនអាចធ្វើឱ្យអស់ពីសមត្ថភាពក្នុងពានរង្វាន់ AFF Cup ឆ្នាំ២០២២។ Jordi Amat បាននិយាយថា “ខ្ញុំគិតថា ក្រុមរបស់យើងបានត្រៀមខ្លួនរួចរាល់ហើយ។ កីឡាករជម្រើសជាតិឥណ្ឌូនេស៊ី ទាំងអស់កំពុងទន្ទឹងរង់ចាំការប្រកួតដំបូង ហើយត្រៀមខ្លួនរួចជាស្រេចដើម្បីផ្តល់នូវលទ្ធផលល្អបំផុតរបស់ពួកគេសម្រាប់ប្រជាជនឥណ្ឌូនេស៊ីទាំងអស់”។
Jordi Amat ក៏បានធានាថាក្រុមជម្រើសជាតិឥណ្ឌូណេស៊ីមានការត្រៀមខ្លួនត្រឹមត្រូវ។ អស់រយៈពេលជាង ៣សប្តាហ៍នៅជំរំហ្វឹកហាត់នៅកោះបាលី។ បច្ចុប្បន្នក្រុមក្រហម-សកំពុងបំពេញការត្រៀមខ្លួនជាចុងក្រោយមុនពេលប៉ះកម្ពុជា។ Jordi Amat បានសង្កត់ធ្ងន់ថាក្រុមរបស់គេបានត្រៀមខ្លួនជាស្រេចក្នុងការប្រកួតនេះ។
លោក Jordi Amat បាននិយាយថា “បច្ចុប្បន្នយើងកំពុងផ្តោតលើការប្រកួតជាមួយកម្ពុជា ព្រោះការប្រកួតដំបូងមានសារៈសំខាន់ណាស់។ ខ្ញុំមានទំនុកចិត្ត និងជឿជាក់បន្ទាប់ពីបានឃើញទម្រង់លេងរបស់ក្រុមទាំងមូលក្នុងអំឡុងពេល២២ថ្ងៃនៃការហ្វឹកហាត់រួមគ្នានៅកោះបាលី” ។
Jordi Amat សារភាពថាគាត់មិនអាចរង់ចាំក្នុងការបង្ហាញខ្លួនជាលើកដំបូងនៅចំពោះមុខអ្នកគាំទ្រក្រុមជម្រើសជាតិឥណ្ឌូនេស៊ី រាប់ម៉ឺននាក់នោះទេ។ អ្នកទស្សនាត្រូវបានអនុញ្ញាតឱ្យចូលរួមការប្រកួតនៅពេលក្រោយជាមួយនឹងសមត្ថភាពអតិបរមា ៧០ភាគរយនៃចំនួនសរុបរបស់កីឡដ្ឋាន Bung Karno Main Stadium (SUGBK)។
គួរដឹងដែរថា កីឡាករ Jordi Amat Maas (ខ្សែការពារកណ្ដាល) គឺជាកូនកាត់អ៉េស្បាញ បច្ចុប្បន្នមានវ័យ ៣០ឆ្នាំដោយមានជីដូនជាជនជាតិឥណ្ឌូនេស៊ី ហើយទើបតែទទួលបានសញ្ជាតិឥណ្ឌូនេស៊ី កាលពីពេលថ្មីៗនេះ។ គេធ្លាប់លេងឱ្យក្លិបល្បីៗដូចជា Espanyol, Rayo Vallecano, Swansea City (កាលនោះលេងនៅលីគកំពូលអង់គ្លេស រដូវកាល២០១៣-២០១៨ បង្ហាញខ្លួន ៥២ប្រកួត), Real Betis និងបច្ចុប្បន្នលេងឱ្យ Johor Darul Ta’zim របស់ម៉ាឡេស៊ី។ គេធ្លាប់ជាប់ជម្រើសជាតិយុវជនអ៉េស្បាញ តាំងពីឈុត U-16 រហូតដល់ U-21៕
ប្រភព៖ bola.com
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា