ព័ត៌មានជាតិ
ឆ្នាំ២០២២នេះ ចំនួនអ្នកបរិច្ចាគឈាមដោយស្ម័គ្រចិត្តមាន០.៦៩% កើនឡើងជាងឆ្នាំមុន
លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាមបានមានប្រសាសន៍នៅព្រឹកថ្ងៃទី២២ធ្នូនេះថា នៅឆ្នាំ២០២២ នេះចំនួនអ្នកបរិច្ចាគឈាមដោយស្ម័គ្រចិត្តមានចំនួន០.៦៩% ប្រៀបធៀបជាមួយប្រជាជនសរុបកើនឡើងជាងឆ្នាំមុនដែលមានត្រឹមតែ០.៦២%ប៉ុណ្ណោះ ។
លោកវេជ្ជបណ្ឌិតបានបន្តថា ការចូលរួមបរិច្ឆាគឈាមដោយស្ម័គ្រចិត្តបានធ្លាក់ចុះយ៉ាងខ្លាំងនៅក្នុងកំឡុងពេលមានការរាតត្បាតជំងឺកូវីដ១៩ ដោយធ្លាក់ចុះពី២០ភាគរយមកនៅត្រឹម១០ភាគរយ ដែលធ្វើឱ្យមានការប្រឈមនឹងការខ្វះខាតឈាមជាខ្លាំង។ លោកវេជ្ជបណ្ឌិតបានបន្តទៀតថា ប៉ុន្តែបន្ទាប់ពីស្ថានភាពជំងឺកូវីដ១៩មានលក្ខណៈល្អប្រសើរដោយរាជរដ្ឋាភិបាលបានបើកដំណើរការប្រទេសឡើងវិញរួចមក ការចូលរួមបរិច្ឆាគឈាមដោយស្ម័គ្រចិត្តបានកើនឡើងពី១០ភាគរយដល់១៥ភាគរយដោយសារមានការចូលរួមបរិច្ឆាគឈាមច្រើន។
លោកវេជ្ជបណ្ឌិតបានបន្ថែមទៀតថា ចំណែកការទទួលឈាមតាមរយៈសប្បុរសជនដោយមិនគិតកម្រៃនិងដោយស្ម័គ្រចិត្តឆ្លើយតបបានប្រហែល១០%នៃតម្រូវការក្នុងប្រទេសកម្ពុជាតែប៉ុណ្ណោះខណៈពេលដែលប្រទេសជិតខាងការធ្វើបរិច្ចាគឈាមដោយស្ម័គ្រចិត្តអាចផ្គត់ផ្គង់រហូតដល់លើសពី៩០%នៃតម្រូវការ។
លោកវេជ្ជបណ្ឌិតបានបញ្ជាក់ថា « យើងត្រូវការឈាមមួយប្លោករៀងរាល់ ៦នាទីម្ដងដើម្បីជួយសង្គ្រោះជីវិតអ្នកជំងឺខណៈតម្រូវការឈាមប្រចាំថ្ងៃសរុបមានប្រមាណពី៣០០ទៅ ៣៥០ប្លោកនៅរាជធានីភ្នំពេញ ពោលគឺមានតម្រូវការទូទាំងប្រទេសមានប្រមាណ១១ម៉ឺនប្លោកដែលលើសពីឆ្នាំមុន២០%ហើយមជ្ឈមណ្ឌលជាតិបានគ្រប់ដណ្ដប់ជាង៧៥%នៃការផ្គត់ផ្គង់ឈាមទូទាំងប្រទេស»។
លោកវេជ្ជបណ្ឌិតបានឱ្យដឹងទៀតថាអ្នកជំងឺដែលត្រូវការឈាមចាំបាច់មានដូចជាអ្នកជំងឺទាក់ទិននឹងការហូរឈាមតាមប្រដាប់រំលាយអាហារ ការវះកាត់ជំងឺបេះដូងគ្រោះថ្នាក់ចរាចរណ៍ការហូរឈាមមិនប្រក្រតីនៅមុននិងក្រោយពេលសំរាលកូនជំងឺខ្សោយតំរង់នោមការព្យាបាលថែទាំជំងឺមហារីកពិសេសការដូរក្រលៀនដែលជាសេវាកម្មថ្មីមួយដែលត្រូវការឈាមច្រើន។
គួរបញ្ជាក់ថាសម្រាប់ឆ្នាំ២០២២នេះមជ្ឈមណ្ឌលជាតិផ្តល់ឈាមត្រូវការឈាមពីអ្នកស្ម័គ្រចិត្តនិងមិនគិតកម្រៃប្រមាណ១សែន១ម៉ឺនប្លោកហើយនៅឆ្នាំ២០២៣នឹងកើនឡើងដល់១សែន៣ម៉ឺនប្លោកដោយសារក្នុង១ឆ្នាំៗតម្រូវការឈាមមានការកើនឡើងជាង២០ភាគរយជារៀងរាល់ឆ្នាំ៕
អត្ថបទ៖ សំអឿន
-
ចរាចរណ៍៧ ថ្ងៃ ago
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៧ ថ្ងៃ ago
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ២ ថ្ងៃ ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៥ ថ្ងៃ ago
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
កីឡា៣ ថ្ងៃ ago
ភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ ago
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៤ ថ្ងៃ ago
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៣ ថ្ងៃ ago
អ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ