ចេញពី អាមេរិក លោក Zelensky មិនទាន់ទៅ អ៊ុយក្រែន ទេ នៅចូល​ប្រទេសមួយទៀត

ប្រធានាធិបតីអ៊ុយក្រែនលោក Volodymyr Zelensky បានជួបជាមួយប្រធានាធិបតីនៃប្រទេសជិតខាងប៉ូឡូញ បន្ទាប់ពីលោកបានធ្វើដំណើរចាកចេញពីសហរដ្ឋអាមេរិក ។

ការពិភាក្សារបស់លោក Zelensky ជាមួយប្រធានាធិបតីប៉ូឡូញ Andrzej Duda បានធ្វើឡើងកាលពីថ្ងៃព្រហស្បតិ៍នៅទីក្រុង Rzeszow ភាគអាគ្នេយ៍នៃប្រទេសប៉ូឡូញ ។

មេដឹកនាំទាំងពីរត្រូវបានគេរាយការណ៍ថា បាននិយាយអំពីដំណើរទស្សនកិច្ចរបស់ Zelensky ទៅកាន់សហរដ្ឋអាមេរិក ហើយថែមទាំងសង្ខេបការប្រឈមជាប្រវត្តិសាស្ត្រដ៏លំបាកក្នុងឆ្នាំ ២០២២ ដោយសារតែសង្គ្រាមទ្រង់ទ្រាយធំរបស់រុស្ស៊ីប្រឆាំងនឹងអ៊ុយក្រែន” ។

ទន្ទឹមនោះ លោក Zelendky និងលោក Duda ក៏បានពិភាក្សាអំពី “ផែនការយុទ្ធសាស្រ្តសម្រាប់អនាគត របៀបវារៈនៃទំនាក់ទំនងទ្វេភាគី និងកិច្ចសហប្រតិបត្តិការនៅកម្រិតអន្តរជាតិក្នុងឆ្នាំខាងមុខនេះផងដែរ” ។

គួរបញ្ជាក់ថា ប៉ូឡូញ​ជា​ប្រទេស​មួយ​ក្នុង​ចំណោម​ប្រទេស​អឺរ៉ុប​ដែល​បាន​គាំទ្រ​អ៊ុយក្រែន​យ៉ាង​សកម្ម ចាប់​តាំង​ពី​ផ្ទុះសង្គ្រាមលុកលុយ​របស់​រុស្ស៊ីលើទីក្រុងកៀវកាលពីថ្ងៃទី២៤ ខែកុម្ភៈមក ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក ពូទីន ថា រុស្ស៊ី នឹងកម្ទេចប្រព័ន្ធការពារដែនអាកាស Patriot បើ អាមេរិក ហ៊ានឲ្យ អ៊ុយក្រែន