រឿង Avatar វគ្គ២ ចំណាយដើមទុនច្រើនបំផុតក្នុងប្រវត្តិសាស្ត្រភាពយន្តពិភពលោក

រឿង Avatar វគ្គ២ ឬ “Avatar: The Way of Water” ត្រូវបាន Wikipedia ឱ្យដឹងថាបានចំណាយប្រាក់រាប់រយលានក្នុងការផលិត ក្លាយជាខ្សែភាពយន្តដែលចាយទុនច្រើនជាងគេក្នុងប្រវត្តិសាស្ត្រភាពយន្តពិភពលោក។

ប្រភពដដែលទម្លាយថា ខ្សែភាពយន្ត “Avatar: The Way of Water” (អវតា: វិថីមហាសាគរ) ចំណាយថ្លៃផលិតអស់ ៤៦០លានដុល្លារអាមេរិក បានក្លាយជាភាពយន្តថ្លៃជាងគេបង្អស់មិនធ្លាប់មានពីមុនមក ខណៈការចំណាយនេះមិនទាន់រាប់បញ្ចូលថ្លៃផ្សព្វផ្សាយ ឬការធ្វើទីផ្សារនោះទេ។

យ៉ាងណាមិញ គិតមកត្រឹមថ្ងៃទី២៤ ខែធ្នូ ឆ្នាំ២០២២ រឿង Avatar វគ្គ២ អាចរកចំណូលបានកប់ក្ដោងឯណោះ ខណៈចំណូលសរុបពី Box Office គឺ ៦៦១.៦លានដុល្លារ ដែលក្នុងនោះនៅអាមេរិករកបាន ១៩៧.៦៨លានដុល្លារ និងបណ្ដាប្រទេសផ្សេងទៀតចំនួន ៤៦៣.៩លានដុល្លារ៕

ប្រែសម្រួល៖ សន្យា

ចុចអាន៖ តារាល្បីពិភពលោក ៦ រូប ធ្លាប់សារភាពពាក់ព័ន្ធនឹងគ្រឿងញៀន