ជីវិតកម្សាន្ដ

ពេជ្រ ចរណៃ លើកទឹកចិត្តអ្នកមិនទទួលលទ្ធផលល្អ និងអបអរអ្នកប្រឡងជាប់បាក់ឌុប

បានផុស

២ years មុន

នៅ

ថ្ងៃសុក្រ ២៣ ធ្នូ ២០២២

ដោយ

ទន្ទឹមគ្នា នៃថ្ងៃប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ ឬ(បាក់ឌុប) តារាសម្ដែងកញ្ញា ពេជ្រ ចរណៃ ថ្លែងសារចូលរួមអបអរសាទរសម្រាប់បេក្ខជនទូទាំងប្រទេសដែលប្រឡងជាប់បាក់ឌុប និងលើកទឹកចិត្តអ្នកដែលមិនបានជាប់ឲ្យបន្តការខិតខំបន្ថែមទៀត កុំបាក់ទឹកចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ ក្រសួងអប់រំ យុវជន និងកីឡា នៅថ្ងៃទី ២២ ខែធ្នូ ឆ្នាំ ២០២២ បានប្រកាសលទ្ធផល នៃការប្រឡងសញ្ញាបត្រមធ្យមសិក្សាទុតិយភូមិ ឬការប្រឡងបាក់ឌុបនៅទូទាំងរាជធានីភ្នំពេញ និងខេត្តកណ្ដាល ខណៈតាមបណ្ដាខេត្តនានា ក៏ត្រូវប្រកាសនៅថ្ងៃទី ២៣ ខែធ្នូ ឆ្នាំ ២០២២ នេះដែរ។

ក្រោយការចេញលទ្ធផលរយៈពេលពីរថ្ងៃនេះ តារាសម្តែង ពេជ្រ ចរណៃ បានចេញសារលើកទឹកចិត្ត និងចូលរួមអបអរដោយមានខ្លឹមសារថា អបអរសាទរបងប្អូនដែលបានប្រឡងជាប់ មិនថានិទ្ទេសណាទេ(តាំងពី A ដល់ F ព្រោះថាលទ្ធផលទាំងអស់នេះមិនបានបញ្ជាក់ថា ជីវិតយើងត្រូវតែជោគជ័យ ឬបរាជ័យនោះទេ។ អញ្ចឹងកុំបញ្ឈប់ខ្លួនឯងត្រឹមនេះអ្វីណា។

កញ្ញា ពេជ្រ ចរណៃ បន្ថែមថា សំនួរត្រូវសួរបន្តនោះថា តើគួរចាប់យកជំនាញអ្វីដាក់ចូលក្នុងជីវិតរបស់យើង? យើងស្រឡាញ់អ្វី? ប្រសព្វជាមួយអ្វី? អាចរស់នៅដោយធ្វើជំនាញនោះពេញមួយជីវិតដោយមិនធុញទ្រាន់បានទេ? ដើរតាមបេះដូងផង ខួរក្បាលផងទៅណា ភាពជោគជ័យក្នុងជីវិតមិនមែនមកពីយើងធ្លាក់ ឬជាប់ ពូកែមិនពូកែនោះទេ តែផ្អែកលើការតស៊ូព្យាយាមមិនបោះបង់ចោលកណ្ដាលទីច្រើនជាង …។ មនុស្សចេះតស៊ូតែងតែមានសំណាងជាងអ្នកដទៃជានិច្ច៕

អត្ថបទ ៖ ចាន់រ៉ា