ព័ត៌មានជាតិ
ការចិញ្ចឹមត្រីក្នុងស្ទឹងសង្កែ បំពុលបរិស្ថានដល់ទឹកស្ទឹង អាចជាការត្រូវដងត្រូវផ្លែជាមួយជលផល
បែរចិញ្ចឹមត្រីយ៉ាងអនាធិបតេយ្យជាច្រើនកន្លែង តាមបណ្ដោយដងស្ទឹងសង្កែ នៅប៉ែកខាងលើទឹក កំពុងបង្កក្តីព្រួយបារម្ភយ៉ាងខ្លាំងក្នុងការបំពុលបរិស្ថានដល់ទឹកដងស្ទឹងសង្កែ ពិសេសប្រជាពលរដ្ឋដែលកំពុងប្រើប្រាស់ប្រចាំថ្ងៃនៅប៉ែកខាងក្រោម។
ថ្មីៗនេះ លោក សុខ លូ អភិបាល នៃគណៈអភិបាលខេត្តបាត់ដំបង និងមន្ត្រីពាក់ព័ន្ធ បានចុះពិនិត្យមើលដល់ទីតាំងខាងលើ នាចុងសប្ដាហ៍កន្លងទៅនេះ កត់សម្គាល់ថា នៅប៉ែកខាងលើស្ទឹង ចាប់ពីចំណុចភូមិចិន រហូតដល់ភូមិកំពង់ពិល មានការចិញ្ចឹមត្រីជាច្រើនកន្លែង បង្កការបំពុលទឹកស្ទឹងសង្កែ ឲ្យកខ្វក់ និងប៉ះពាល់ដល់ការរស់នៅផ្នែកខាងក្រោម និងអ្នកប្រើប្រាស់ទឹកស្ទឹង។
នៅក្នុងខណៈនោះដែរ លោក សុខ លូ អភិបាលខេត្តបាត់ដំបង បានជំរុញឲ្យមន្ទីរជំនាញធ្វើរបាយការណ៍ពីផលប៉ះពាល់មករដ្ឋបាលខេត្ត ដើម្បីមានវិធានការបន្ទាន់ក្នុងការទប់ស្កាត់ លុបបំបាត់ភាពអនាធិបតេយ្យដែលកំពុងកើតមានទាំងនេះ។
ទាក់ទងនឹងការចិញ្ចឹមត្រីបែបអនាធិបតេយ្យនេះដែរ កន្លងមកលោក ជួង សុភា ប្រធានខណ្ឌរដ្ឋបាលជលផលខេត្តបាត់ដំបង ធ្លាប់បានប្រាប់អ្នកសារព័ត៌មានថា បែរចិញ្ចឹមត្រីរបស់ប្រជាពលរដ្ឋចាប់ពីភូមិចិនទៅ មានប្រមាណជាង ៤០ ទីតាំង ដែលកំពុងចិញ្ចឹមត្រីប្រភេទ ទីឡាត្យា និងត្រីក្រហម រយៈពេល ៥ ឆ្នាំ មកហើយ មិនមានច្បាប់ទម្លាប់នោះទេ គ្រាន់តែជូនដំណឹងឲ្យមន្ត្រីដឹងប៉ុណ្ណោះ។
លោកបន្តថា មុនដំបូងពួកគាត់ចិញ្ចឹមតិចតួចទេ យូរទៅចេះតែពង្រីកការចិញ្ចឹមត្រីកាន់តែច្រើនគ្រួសារ តែជាប្រភេទបែរតូចៗនោះទេ គឺក្នុងបែរមួយមានការចិញ្ចឹមត្រីប្រហែល ៥០០០ ក្បាលប៉ុណ្ណោះ។ លោកក៏បានទទួលស្គាល់ថា ការចិញ្ចឹមត្រីប្រើចំណីបែបនេះវាប៉ះពាល់ដល់ទឹកស្ទឹងខ្លះហើយ ដែលពីមុនទឹកហូរមិនសូវអីទេ ប៉ុន្តែបច្ចុប្បន្ន ក្រោយពីបានបិទទំនប់ស្ទាក់ទឹក នៅសាលាតាអន ក្នុងស្រុកឯកភ្នំ រួចមក ទឹកមិនសូវហូរ វាប៉ះពាល់គុណភាពទឹកហើយ។
បើទោះបីជាលោកនាយខណ្ឌរដ្ឋបាលជលផល ធ្លាប់បានបញ្ជាក់ថា នឹងអនុវត្តតាមការណែនាំរបស់រដ្ឋបាលខេត្ត គឺក្រោយពីពួកគាត់ប្រមូលផលត្រីរួចហើយនៅមុនចូលឆ្នាំខ្មែរ និងឲ្យរុះរើលែងឲ្យចិញ្ចឹមទៀតហើយក៏ដោយ ក៏ប្រភពជាច្រើនបានលើកឡើងថា ក្នុងចំនួនជាង ៤០ បែរ បើការសន្យាថា នឹងប្រមូលផលមុនពេលចូលឆ្នាំ ចុះបើបែរពាក់កណ្ដាលចាប់ផ្ដើមប្រមូលផល ហើយចំនួនបែរពាក់កណ្ដាលទៀតទើបលែងកូនត្រីចូល តើលោកនាយខណ្ឌត្រូវបន្តរង់ចាំឲ្យត្រីធំទើបប្រមូលផលដែរឬយ៉ាងណា? ដោយមជ្ឈដ្ឋានទាំងនោះបានសង្កត់ធ្ងន់ថា វាអាចជាការត្រូវដង ត្រូវផ្លែជាមួយមន្ត្រីរដ្ឋបាលជលផល ទើបអាចសុខសាន្តយ៉ាងនេះ។
ជុំវិញបញ្ហានេះ កម្ពុជាថ្មី បានព្យាយាមទាក់ទងតាមរយៈទូរស័ព្ទទៅលោក ជួង សុភា ជាច្រើនលើក តែមិនអាចទទួលការហៅចូលបានទេ៕
អត្ថបទ ៖ សោ និយមរ័ត្ន
កម្ពុជា រកបានពិន្ទុជាលើកដំបូងពី ម៉ាឡេស៊ី ក្នុងពេល៥៤ឆ្នាំ ក្រោយស្មើគ្នា ២-២
បាតុកម្មក្រុមជ្រុលនិយមនៅកូរ៉េខាងត្បូង ក្រោមលេសថ្ងៃសិទ្ធិមនុស្ស ១០ ធ្នូ គ្មានអ្នកចូលរួម បង្ហាញថា ពលរដ្ឋអស់ជំនឿលើក្រុមប្រឆាំង
លោក ហេង សួរ ៖ បើសិនកំពុងស្ថិតក្នុងស្ថានការណ៍សង្គ្រាម ពលរដ្ឋគ្មានឱកាសនិយាយអំពីសិទ្ធិមនុស្ស និងការអភិវឌ្ឍឡើយ
គណបក្សកាន់អំណាចកូរ៉េខាងត្បូង ថា លោក Yoon នឹងលាលែងតំណែង
នាយឧត្ដមសេនីយ៍ ឈិន ច័ន្ទពណ៌ អគ្គមេបញ្ជាការរង នៃកងយោធពលខេមរភូមិន្ទ ទទួលមរណភាព ក្នុងជន្មាយុ ៧២ ឆ្នាំ ដោយរោគាពាធ
Update៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
នាយឧត្ដមសេនីយ៍ ឈិន ច័ន្ទពណ៌ អគ្គមេបញ្ជាការរង នៃកងយោធពលខេមរភូមិន្ទ ទទួលមរណភាព ក្នុងជន្មាយុ ៧២ ឆ្នាំ ដោយរោគាពាធ
ការប្រយុទ្ធគ្នា ផ្ទុះឡើងហើយ! ក្រុមឧទ្ទាមស៊ីរី ចូលដល់រដ្ឋធានីដាម៉ាស និងរំដោះអ្នកទោស
បុរសម្នាក់ បើករថយន្តលឿន បុកម៉ូតូ ២ គ្រឿង កំពុងឆ្លងស្តុប ស្លាប់ម្នាក់ និងរបួសធ្ងន់ ២ នាក់
១១ ខែ ឆ្នាំនេះ ខ្យល់កន្ត្រាក់ បង្កឲ្យមនុស្សស្លាប់-របួស ៤៦ នាក់ និងប៉ះពាល់ផ្ទះជិត ៥ ពាន់ខ្នង
-
វប្បធម៌ ជំនឿ៤ ថ្ងៃ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ៤ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
សេដ្ឋកិច្ច១ សប្តាហ៍ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ព័ត៌មានជាតិ៤ ថ្ងៃ ago«ភូមិទៀមលើ» មានប្រវត្តិជូរចត់ ចេញកើតពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
សន្តិសុខសង្គម២១ ម៉ោង agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ព័ត៌មានអន្ដរជាតិ១ សប្តាហ៍ agoវៀតណាម អនុម័តគម្រោងផ្លូវរថភ្លើងល្បឿនលឿនតម្លៃ ៦៧ពាន់លានដុល្លារ
-
ព័ត៌មានអន្ដរជាតិ៥ ថ្ងៃ agoទឹកជំនន់នៅភាគខាងត្បូងថៃ រឹតតែធ្ងន់ ឯមនុស្សស្លាប់ កើនច្រើនឡើងៗ
-
ព័ត៌មានជាតិ៧ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន