ទឹកជំនន់ដ៏សាហាវ វាយប្រហារទីក្រុងវាលខ្សាច់របស់ ហ្ស៊កដានី បង្ខំឲ្យជម្លៀសមនុស្សចេញ

ទីក្រុងថ្មបុរាណ Petra ត្រូវបានទឹកជន់លិច បន្ទាប់ពីភ្លៀងធ្លាក់ខ្លាំង បានវាយប្រហារទីតាំងបុរាណមួយនេះ ជាហេតុបង្ខំឲ្យមានការជម្លៀសមនុស្សចេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទឹក​ពី​ភ្នំ​ក្បែរ​ៗនោះ ​បាន​ហូរ​ចូល​ទីក្រុង​ពណ៌​ក្រហម​ដ៏​ល្បីល្បាញ ដែលមានអាយុកាលជាង ២០០០ឆ្នាំ​មក​ហើយ។

អ្នកទេសចរ និងអ្នកស្រុកប្រមាណ១៧០០នាក់ ត្រូវបានបញ្ជាឲ្យជម្លៀសចេញពីតំបន់នេះ ទៅកាន់ទីសុវត្ថិភាព។ កាលពីឆ្នាំ២០១៨ មនុស្សចំនួន១៣នាក់ ត្រូវបានសម្លាប់នៅក្នុងគ្រោះទឹកជំនន់ស្រដៀងគ្នា នៅទីតាំងនេះ។

វីដេអូឃ្លីបពីតំបន់ទេសចរណ៍ដែលមានអ្នកទស្សនាច្រើនបំផុតរបស់ហ្ស៊កដានី ចម្ងាយ២៤១គីឡូម៉ែត្រ ភាគខាងត្បូងនៃក្រុងហ្ស៊េរុយសាឡិមមួយនេះ បានបង្ហាញពីទឹកហូរធ្លាក់ចូលទៅក្នុងច្រកចូលប្រាសាទ Petra ខណៈអ្នកទេសចរដែលភ័យស្លន់ស្លោ បាននាំគ្នារត់គេចខ្លួន។

នៅតំបន់ជិតខាង Maan, មនុស្សចំនួន៣នាក់ បានរងរបួសដោយសារទឹកជំនន់ បន្ទាប់ពីរថយន្តក្រុងមួយគ្រឿង ត្រូវបានទឹកហូរនាំយកទៅ។

គួរបញ្ជាក់ថា ជំនន់ទឹកភ្លៀងដ៏សាហាវដែលវាយប្រហារទីក្រុង Petra លើកមុនគឺនៅឆ្នាំ ១៩៦៣ នៅពេលភ្ញៀវទេសចរបារាំង ២២ នាក់ និងមគ្គុទ្ទេសក៍ក្នុងស្រុកម្នាក់ ត្រូវបានសម្លាប់ដោយសារកម្រិតទឹកដែលហក់ឡើងយ៉ាងឆាប់រហ័ស៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ធ្លាយឧស្ម័នពុលនៅកំពង់ផែ ហ្ស៊កដានី សម្លាប់មនុស្ស១១នាក់ របួសជាង ២៥០នាក់