ព័ត៌មានជាតិ

បច្ចុប្បន្នមានគម្រោងបុរី ៥១០ កន្លែងនៅទូទាំងប្រទេសកម្ពុជា

បានផុស

២ years មុន

នៅ

ថ្ងៃសុក្រ ៣០ ធ្នូ ២០២២

ដោយ

បើយោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់បង្ហាញថា គិតត្រឹមឆ្នាំ ២០២២ មានគម្រោងបុរីលំនៅឋាន និងបណ្ដុំលំនៅឋានមានលក្ខណៈជាបុរីចំនួន ៥១០ គម្រោងនៅទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរបាយការណ៍ដដែលបានបញ្ជាក់ថា គិតពីឆ្នាំ២០០៨ ដល់ខែវិច្ឆិកា ឆ្នាំ២០២២ សំណង់លំនៅឋានមានចំនួន ៣៤ ៣៧៣ គម្រោង, សំណង់អគារសណ្ឋាគារមានចំនួន ១ ០៧៣គម្រោង, សំណង់អគារពាណិជ្ជកម្មមានចំនួន ៣ ១៣៦គម្រោង (សំណង់អគាររោងចក្រមានចំនួន១០ ៦២៩គម្រោង) និងសំណង់អគារពហុមុខងារមានចំនួន ៣៣០គម្រោង។

ដោយឡែកទាក់ទងការអភិវឌ្ឍគម្រោងអគារខ្ពស់ៗ គិតត្រឹមដំណាច់ឆ្នាំ២០២២នេះ អគារដែលមានកម្ពស់ចាប់ពី ៥ ជាន់ទៅ ៩ ជាន់ មានចំនួនសរុប ១ ៤២៣អគារ, អគារចាប់ពី ១០ ជាន់ ទៅ ១៩ ជាន់ មានចំនួន ៦៩៩ អគារ, អគារចាប់ពី ២០ ជាន់ ទៅ ២៩ ជាន់ មានចំនួន ២៣៣ អគារ, អគារចាប់ពី ៣០ ជាន់ទៅ ៣៩ ជាន់ មានចំនួន ១២៩ អគារ, អគារចាប់ពី ៤០ ជាន់ឡើង មានចំនួន ៥០ អគារ។ ក្នុងនោះនៅរាជធានីភ្នំពេញចំនួន ១ ៦៧៥អគារ ខេត្តព្រះសីហនុ ចំនួន៦៨៥អគារ នៅខេត្តបន្ទាយមានជ័យចំនួន ១៣១អគារ និងផ្សេងៗចំនួន ៤៣ អគារ៕