​ពលរដ្ឋឃុំអូសោម​ទទួលយកដំណោះស្រាយ​វិវាទដីធ្លី​របស់អភិបាលខេត្តពោធិ៍សាត់ក្រៅប្រព័ន្ធតុលាការ

តាមរយៈវេទិការសាធារណៈពលរដ្ឋជាច្រើនគ្រួសារដែលមានវិវាទដីធ្លីបានទទួលយកទាំងព្រមជាមួយនឹងភាពរីករាយរាល់ការដោះស្រាយដោយស្មើភាពមិនលំអៀងដោយជោគជ័យឈ្នះៗសងខាងរបស់លោក ខូយ រីដា អភិបាលខេត្តពោធិ៍សាត់។

ក្រោយពីបានស្ដាប់បញ្ហារបស់ពលរដ្ឋទាំង ៣ ភូមិ ក្នុឃុំអូសោមដែលមានទំនាស់ចំនួន០៩ករណី និងមានរឿងមួយចំនួនផ្សេងៗ​ឲ្យជួយដោះស្រាយ លោក ខូយ រីដា អភិបាលនៃគណៈអភិបាលខេត្តពោធិ៍សាត់ក៍បានលើកឡើងថា នៅចំពោះមុខពលរដ្ឋទាំងអស់ និងមកពីគ្រប់ស្ថាប័នមន្ទីរអង្គភាពពាក់ព័ន្ធបានទទួលយកពិនិត្យ វិភាគវាយតម្លៃដោយមានការយកចិត្តទុកដាក់ប្រកបដោយសុភាគវិនិច្ឆ័យនិងទំនោលទទួលខុសត្រូវខ្ពស់។

អភិបាលខេត្តក៍បានដោះស្រាយភ្លាមៗ ប្រកាន់ភ្ជាប់នៅភាពយុត្តិធម៌ ស្របតាមច្បាប់លាយឡំជាមួយនឹងមនោ​សញ្ចេតនាផងរវាងប្រជាពលរដ្ឋនិងប្រជាពលរដ្ឋ ក៏ដូចជាមន្ត្រីពាក់ព័ន្ធផងដោយយកដំណោះស្រាយឈ្នះៗទាំងអស់គ្នា ដោយមិនលំអៀងលើភាគីណាឡើយ។

លោក ខូយ រីដា ក៏បានថ្លែងអរគុណយ៉ាងខ្លាំងចំពោះប្រជាពលរដ្ឋ និងសមត្ថកិច្ចដែលពាក់ព័ន្ធក្នុងទំនាស់វិវាទក្រៅប្រព័ន្ធតុលាការជូនបងប្អូនដោយជោគជ័យឈ្នះៗទាំងអស់គ្នា ដោយភាពកក់ក្ដៅ និងប្រព្រឹត្តយកទៅដោយរលូនបំផុត ដែលយើងទទួលយកបានទាំងអស់គ្នា។

លោកអភិបាលខេត្តរូបនេះក៏បានអំពាវនាវឱ្យបងប្អូនប្រជាពលរដ្ឋទាំងអស់ចូលរួមថែរក្សាធនធានធម្មជាតិព្រៃឈើឲ្យនៅគង់វង្សដើម្បីធានានិរន្តរភាពវិស័យទេសចរណ៍ព្រោះថាតំបន់អូរសោមគឺជាតំបន់អេកូទេសចរណ៍សំបូរបែបដែលទាក់ទាញអ្នកទេសចរជាតិ និងអន្តរជាតិឲ្យចូលមកកម្សាន្តលេងដោយមិនរារែកឡើយ៕

អត្ថបទ៖ លាន គ្រន