សុខភាព

ជំងឺខ្សោយបេះដូង បង្កឲ្យអ្នកជំងឺប្រឈមបាត់បង់ចំណង់អាហារ

បានផុស

២ years មុន

នៅ

ថ្ងៃចន្ទ ២ មករា ២០២៣

ដោយ

មិនថាក្មេង ឬចាស់នោះទេ តែមានជំងឺខ្សោយបេះដូងហើយគឺភាគច្រើនប្រឈមបាត់បង់ចំណង់អាហារ លែងសូវស្រេកឃ្លាន ហើយក៏ជាមូលហេតុចម្បងធ្វើឲ្យសុខភាពអ្នកជំងឺឆាប់ទ្រុឌទ្រោម បណ្ដាលឲ្យជំងឺកាន់តែវិវត្ដទៅរកស្ថានភាពធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងណាស់ ជំងឺខ្សោយបេះដូងគឺជាស្ថានភាពមួយដែលបេះដូងចុះខ្សោយដោយសារតែសាច់ដុំបេះដូងមិនអាចប្របាច់ឈាម និង បញ្ជូនអុកស៊ីសែនទៅសរីរាង្គដទៃទៀតបានគ្រប់គ្រាន់ ដែលបណ្ដាលឲ្យអ្នកជំងឺមានអាការៈខ្សោយ អស់កម្លាំង ថប់ៗដង្ហើម និង បាត់បង់ចំណង់អាហារជាដើម។

រោគសញ្ញាសំខាន់ៗនៃជំងឺខ្សោយបេះដូង

ចង្អោរ
ហត់ ថប់ដង្ហើម
ឈឺទ្រូង
អស់កម្លាំង
ឡើងទម្ងន់គ្មានមូលហេតុ
បេះដូងលោតមិនប្រក្រតី
ចេះតែចង់ជុះនោមនៅពេលយប់
ក្អកមានឈាម និងកណ្តាសញឹកញាប់
ហើមពោះ ហើមជើង កជើង និងបាតជើង

មូលហេតុជំងឺខ្សោយបេះដូងបង្កឲ្យអ្នកជំងឺបាត់បង់ចំណង់អាហារ

បាត់បង់ចំណង់អាហារគឺជាផលវិបាកមួយនៃជំងឺខ្សោយបេះដូង ព្រោះថានៅពេលបេះដូងចុះខ្សោយមុខងារនោះមិនអាចបញ្ជូនឈាម និង អុកស៊ីសែនទៅកាន់សរីរាង្គបានគ្រប់គ្រាន់ទេ ពេលនោះសារធាតុរាវក្នុងរាងកាយ នឹងចាប់ផ្ដើមកើនឡើងក្នុងសរសៃឈាម ពិសេសនៅពេលដែលជំងឺនេះបានវិវត្ដប៉ះពាល់ទៅដល់មុខងារតម្រងនោម និង សួត។

តម្រងនោមមានមុខងារច្រោះឈាម បញ្ចេញកាកសំណល់ សារធាតុរាវក្នុងទម្រង់ជាទឹកនោម ចំណែកសួតមានមុខងារប្លាស់ប្តូរឧស្មន័ដែលបានស្រូបចូល ដើម្បីផលិតអុកស៊ីសែនបញ្ជូនក្នុងឈាមទៅចិញ្ចឹមសរីរាង្គ ។ ពេលសរីរាង្គទាំងពីររងផលប៉ះពាល់ពីជំងឺខ្សោយបេះដូង គឺមិនអាចទទួលឈាមបានគ្រប់គ្រាន់ ក៏មិនអាចបំពេញមុខងារ ផលិតអុកស៊ីសែន និង ច្រោះកាកសំណល់បានល្អនោះដែរ។ ហេតុនេះក៏ធ្វើឲ្យចាល់ជាតិទឹកកើនឡើង ប៉ះពាល់ទៅដល់ផ្នែកផ្សេងៗ ដូចជា ហើមជើង ប្រអប់ជើង ក្នុងនោះក៏ប៉ះពាល់ប្រព័ន្ធរំលាយអាហារ ដែលធ្វើឲ្យអ្នកជំងឺបាត់បង់ចំណង់អាហារ លែងឃ្លាន ញ៉ាំឆាប់ឆ្អែត និង ចង្អោរម្ដងៗ ប៉ុន្ដែងាយឡើងគីឡូ។

មូលហេតុសំខាន់ៗដែលបណ្ដាលឲ្យកើតជំងឺខ្សោយបេះដូង