កីឡា
ជ្រុះចេញពីពាន AFF Cup 2022 ប៉ុន្តែ កម្ពុជា បានបំបែកកំណត់ត្រាជាច្រើន ក្នុងឆ្នាំនេះ
ក្រុមបាល់ទាត់ជម្រើសជាតិកម្ពុជា បានជ្រុះចេញពីពានរង្វាន់ AFF Championship ២០២២ ក្នុងការបន្តដំណើរទៅវគ្គពាក់កណ្ដាលផ្ដាច់ព្រ័ត្រហើយ ក្រោយប្រកួតចាញ់ម្ចាស់ផ្ទះថៃ ដោយលទ្ធផល ៣-១ វគ្គសន្សំពិន្ទុក្នុងជំនួបបិទពូល A កាលពីម្សិលមិញ។
បើទោះបីជាជ្រុះចេញពីពានរង្វាន់ដែលធ្វើឡើងនៅរៀងរាល់ ២ ឆ្នាំម្ដងមួយនេះក៏ពិតមែន ប៉ុន្តែនៅឆ្នាំនេះ កម្ពុជា បានបំបែកកំណត់ត្រាលើរឿងជាច្រើន ដែលមិនធ្លាប់បានធ្វើពីមុនមក។
១. រកបាន ៦ ពិន្ទុជាលើកដំបូង ៖
ចាប់តាំងពីចូលរួមប្រកួតក្នុងពានរង្វាន់នេះ នៅឆ្នាំ ១៩៩៦ មក នៅពេលដែលបានឡើងដល់វគ្គចែកពូល កម្ពុជា មិនដែលរកបានលើសពី ៣ ពិន្ទុឡើយ ពោលគឺរកបានត្រឹម ៣ ពិន្ទុប៉ុណ្ណោះ ក្នុងចំណោម នៃការបង្ហាញខ្លួនចំនួន ៨ លើក។
គោព្រៃកម្ពុជា ធ្លាប់រកបាន ៣ ពិន្ទុក្នុងពូលចំនួន ៤ លើក ពោលគឺនៅឆ្នាំ ២០០០, ២០០២, ២០១៨ និង ២០២០។ ដូច្នេះលើកនេះដែលជាលើកទី ៩ កម្ពុជា បានរកបាន ៦ ពិន្ទុជាលើកដំបូង។
២. រកគ្រាប់បាល់បានច្រើនគ្រាប់ជាលើកដំបូង ៖
នេះជាលើកដំបូងហើយដែលកម្ពុជា អាចរកគ្រាប់បាល់បានច្រើន ពោលគឺរកបាន ១០ គ្រាប់ ក្នុងចំណោម ៤ ប្រកួត ខណៈ ៨ លើកកន្លងមក តែងតែរកគ្រាប់បាល់បានច្រើនបំផុតបាន ៦ គ្រាប់។
ជាក់ស្ដែងរួមមាន ៖ ឆ្នាំ ១៩៩៦ (ទាត់ចូល ១ គ្រាប់), ឆ្នាំ ២០០០ (ទាត់ចូល ៥ គ្រាប់), ឆ្នាំ ២០០២ (ទាត់ចូល ៥ គ្រាប់), ឆ្នាំ ២០០៤ (ទាត់ចូល ២ គ្រាប់), ឆ្នាំ ២០០៨ (ទាត់ចូល ២ គ្រាប់), ឆ្នាំ ២០១៦ (ទាត់ចូល ៤ គ្រាប់), ឆ្នាំ ២០១៨ (ទាត់ចូល ៤ គ្រាប់) និងឆ្នាំ ២០២០ (ទាត់ចូល ៦ គ្រាប់)។
៣. រកគ្រាប់បាល់ចំណេញជាលើកដំបូង ៖
បើរាប់ចាប់តាំងពីឆ្នាំ ១៩៩៦ មក កម្ពុជា មិនដែលប្រកួតចប់វគ្គជម្រុះក្នុងពូល ដោយបន្សល់ទុកគ្រាប់បាល់ចំណេញឡើយ ពោលគឺតែងតែត្រូវបានដកគ្រាប់បាល់ ទាំង ៨ លើក។
ជាក់ស្ដែងរួមមាន ៖ ឆ្នាំ ១៩៩៦ (-១១ គ្រាប់), ឆ្នាំ ២០០០ (-៥ គ្រាប់), ឆ្នាំ ២០០២ (-១៣ គ្រាប់), ឆ្នាំ ២០០៤ (-២០ គ្រាប់), ឆ្នាំ ២០០៨ (-១០ គ្រាប់), ឆ្នាំ ២០១៦ (-៤ គ្រាប់), ឆ្នាំ ២០១៨ (-៥ គ្រាប់) និងឆ្នាំ ២០២០ (-៥ គ្រាប់)។
៤. ឈរនៅចំណាត់ថ្នាក់លេខ ៣ ជាលើកដំបូង ៖
ដូចគ្នាផងដែរ ក្នុងចំណោម ៨ លើកកន្លងមក កម្ពុជា ស្ថិតនៅចំណាត់ថ្នាក់ល្អបំផុតត្រឹមលេខ ៤ ពោលគឺមិនដែលបានលើសពីលេខ ៣ ឡើយ។
ជាក់ស្ដែងរួមមាន ៖ ឆ្នាំ ១៩៩៦ (លេខ ៥ បាតតារាង), ឆ្នាំ ២០០០ (លេខ ៤), ឆ្នាំ ២០០២ (លេខ ៤), ឆ្នាំ ២០០៤ (លេខ ៥ បាតតារាង), ឆ្នាំ ២០០៨ (លេខ ៤ បាតតារាង), ឆ្នាំ ២០១៦ (លេខ ៤ បាតតារាង), ឆ្នាំ ២០១៨ (លេខ ៤) និងឆ្នាំ ២០២០ (លេខ ៤)។
គួរបញ្ជាក់ថា ផ្លូវរបស់កម្ពុជា ក្នុងពានរង្វាន់នេះសម្រាប់ឆ្នាំ ២០២២ បានបញ្ចប់ហើយ ខណៈត្រូវរង់ចាំដល់ឆ្នាំ ២០២៤ ទើបមានការប្រកួតបន្តទៀត ដែលសង្ឃឹមថា នឹងមានរឿងជាច្រើនទៀតត្រូវបំបែកបាន៕
អត្ថបទ ៖ មន្នីរ័ត្ន
ឆ្នាំ២០២៥ FFC គ្រោងចំណាយជាង៨លានដុល្លារលើការងារសំខាន់១០
តួឯកចិនរឿង «Big World» ប្រឹងប្រែងច្រៀង តាំងពីជំទង់ ក្លាយជាតួសម្ដែងលេចធ្លោប្រចាំទឹកដីកំណើត
រុស្ស៊ី បាញ់មីស៊ីលពន្លិចកប៉ាល់ដឹកទំនិញមួយគ្រឿង សង្ស័យដឹកអាវុធអង់គ្លេស យកទៅឲ្យអ៊ុយក្រែន
ខេត្តកំពង់ធំ សម្រេចការចុះបញ្ជីដីធ្លីមានលក្ខណៈជាប្រព័ន្ធបានជាង៤២ម៉ឺនក្បាលដី
សមាគមកាយប្ញទ្ធិនារីកម្ពុជា រៀបចំកម្មវិធី បងស្រី និងប្អូនស្រី លើកទី៥ ក្រោមប្រធានបទ «ស្រ្តី និងការងារសង្គម»
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
អង់គ្លេសនិងបារាំង ប្រកាសដឹកនាំក្រុមចម្រុះ ដាក់ទ័ពទៅអ៊ុយក្រែន ទោះគ្មានអាមេរិក
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
មេណាតូ ជំរុញឲ្យ ហ្សេលេនស្គី ផ្សះផ្សាទំនាក់ទំនងជាមួយលោក ត្រាំ
-
ព័ត៌មានអន្ដរជាតិ៥ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៥ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៧ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ