កីឡា

សុខ ធី ប្រាប់ពីស្ថានភាពត្រៀមឡើងសង្វៀនជាថ្មីនៅថៃ

បានផុស

២ years មុន

នៅ

ថ្ងៃពុធ ៤ មករា ២០២៣

ដោយ

អ្នកប្រដាល់គុនខ្មែរ សុខ ធី មានសេរីភាព និងចូលហ្វឹកហាត់ វិញហើយ បន្ទាប់ពីមួយរយៈពេលចុងក្រោយនេះមានបញ្ហាខ្លះៗ និងមិនបានឡើង នៅសង្វៀនប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកគ្រូ សាន់ សៅយ៉ាន់ ដែលជាអ្នកបង្វឹកបង្ហាត់ផ្ទាល់ពេលកីឡាកររូបនេះនៅស្រុកខ្មែរបានបញ្ជាក់ថា អ្វីៗល្អប្រសើរ និងសេរីភាពឡើងវិញហើយសម្រាប់ សុខ ធី នៅពេលនេះ។ រូបគេបានចូលហ្វឹកហាត់ និងអាចឡើងប្រកួតវិញបាន។ តាមពិតទៅ កន្លងមក គាត់ (សុខ ធី) មានឈ្មោះវ៉ៃជាបន្តបន្ទាប់ដែរ ប៉ុន្តែគាត់ច្រើនតែមិនយកចិត្តទុកដាក់ឲ្យខ្លួនឯង។

ពេលសួរថា តើ សុខ ធី អាចនឹងវិលត្រឡប់មកប្រកួតនៅប្រទេសកម្ពុជាវិញទេ? លោកគ្រូបង្វឹករូបនេះបានបញ្ជាក់ថា រហូតដល់ពេលនេះនៅមិនទាន់មានភ្លើងខៀវពីសហព័ន្ធកីឡាប្រដាល់គុនខ្មែរឲ្យរូបគេវិលចូលប្រកបអាជីពនៅខ្មែរឡើយ។

ចំពោះសាមីខ្លួន សុខ ធី បានប្រាប់ថា អ្វីៗល្អប្រសើរឡើងវិញហើយដោយបានចូលហ្វឹកហាត់ និងត្រៀមការប្រកួតជាថ្មី ប៉ុន្តែនៅមិនទាន់ច្បាស់ពីពេលវេលាប្រកួតឡើយគឺប្រហែលជាអាចចុងខែមករា នេះ ឬក៏អាចខែធ្នូ ឆ្នាំ២០២៣នេះ។

សុខ ធី (ស្តាំ) ធាក់លើកីឡាករថៃ នៅសង្វៀន ONE

សូមបញ្ជាក់ថា សុខ ធី ជាកីឡាករគុនខ្មែរទី១ដែលបង្កើតជ័យជម្នះនៅសង្វៀនធំលំដាប់អាស៊ី ONE Championship បន្ទាប់ពីផ្តួលកីឡាករចិន។ រូបគេក៏ត្រូវបានដឹងថា ជាកីឡាករខ្មែរទី១ដែលបានប្រកួតនៅសង្វៀនធំល្បីឈ្មោះរបស់ថៃគឺ Rajadamnern Stadium និងសាងកេរ្តិ៍ឈ្មោះល្បីនៅប្រទេសថៃ មុនពេលមកប្រកួតនៅខ្មែរឈ្នះខ្សែក្រវាត់គុនខ្មែរអន្តរជាតិ នៅសង្វៀនទូរទស្សន៍បាយ័ន ហើយបានវិលទៅប្រកួតនៅថៃវិញមុនពេលវិបត្តិកូវីដ-១៩បានផ្ទុះឡើង៕

អត្ថបទ៖ វីរបុត្រ