មកដឹងពីមុខជំនាញ និងតម្លៃសិក្សានៅសាលាច្បាប់ សម្រាប់ឆ្នាំសិក្សា ២០២២-២០២៣

សាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច ឬ គេនិយមហៅថា សាលាច្បាប់ ត្រូវបានបែងចែកថ្នាក់បរិញ្ញាបត្រសិក្សាជា៣ គឺថ្នាក់បរិញ្ញាបត្រជាភាសាខ្មែរ ថ្នាក់បរិញ្ញាបត្រភាសាបរទេស និងថ្នាក់បរិញ្ញាបត្រជាន់ខ្ពស់។ តម្លៃសិក្សា គឺមានតម្លៃខុសគ្នា ទៅតាមមុខជំនាញនីមួយៗ។

ចំពោះថ្នាក់បរិញ្ញាបត្រជាភាសាខ្មែរ មានកម្មវិធីសិក្សារយៈពេល ៤ឆ្នាំ មាន៤មហាវិទ្យាល័យ និង៩បរិញ្ញាបត្រ សម្រាប់និស្សិតជ្រើសរើសសិក្សានៅឆ្នាំសិក្សាថ្មីនេះ។ សាកលវិទ្យាល័យមួយនេះ ត្រូវបានបែងចែកកម្មវិធីសិក្សាជា ២កម្រិត គឺកម្មវិធីសិក្សាស្របតាមស្តង់ដាជាតិ និងបែបអន្តរជាតិ។

+ថ្នាក់បរិញ្ញាបត្រជាភាសាខ្មែរមានដូចជា៖

១.មហាវិទ្យាល័យនីតិសាស្ត្រ

-បរិញ្ញាបត្រនីតិសាស្រ្ត

២.មហាវិទ្យាល័យរដ្ឋបាលសាធារណៈ

-បរិញ្ញាបត្ររដ្ឋបាលសាធារណៈ

៣.មហាវិទ្យាល័យព័ត៌មានវិទ្យា

-បរិញ្ញាបត្រសេដ្ឋកិច្ចព័ត៌មានវិទ្យា

-បរិញ្ញាបត្រព័ត៌មានវិទ្យា

៤.មហាវិទ្យាល័យវិទ្យាសាស្ត្រសេដ្ឋកិច្ច និងគ្រប់គ្រង

-បរិញ្ញាបត្រសេដ្ឋកិច្ចអភិវឌ្ឍន៍

-បរិញ្ញាបត្រគ្រប់គ្រងធុរកិច្ច

-បរិញ្ញាបត្រគណនេយ្យ

-បរិញ្ញាបត្រធនាគារ និងហិរញ្ញវត្ថុ

-គ្រប់គ្រងទេសចរណ៍ និងបដិសណ្ឋារកិច្ច។

+ថ្នាក់បរិញ្ញាបត្រសិក្សាជាភាសាបរទេស

១.បរិញ្ញាបត្រនីតិសាស្ត្រ សិក្សាជាភាសាបារាំង

២.បរិញ្ញាបត្រនីតិសាស្ត្រ សិក្សាជាភាសាអង់គ្លេស

៣.បរិញ្ញាបត្រសេដ្ឋកិច្ច និងគ្រប់គ្រង សិក្សាពីរភាសាគឺ បារាំង និងអង់គ្លេស

៤.បរិញ្ញាបត្រសេដ្ឋកិច្ច និងគ្រប់គ្រង សិក្សាជាភាសាអង់គ្លេស

៥.បរិញ្ញាបត្រទំនាក់ទំនងអន្តរជាតិ សិក្សាជាភាសាអង់គ្លេស

៦.បរិញ្ញាបត្រនីតិសាស្ត្រ ខ្មែរ-ចិន (២+២) (សិក្សានៅកម្ពុជា ២ឆ្នាំ និងនៅចិន ២ឆ្នាំ)។

ថ្នាក់បរិញ្ញាបត្រនេះ តម្រូវឱ្យមានការប្រឡងចូល។

+ថ្នាក់បរិញ្ញាបត្រជាន់ខ្ពស់ (Master)

ថ្នាក់បរិញ្ញាបត្រជាន់ខ្ពស់ បានបែងចែកកម្មវិធីសិក្សាជា២គឺ​ សិក្សាតាមកម្មវិធីជាតិ និងអន្តរជាតិ។

-កម្មវិធីជាតិ

១.បរិញ្ញាបត្រជាន់ខ្ពស់នីតិសាស្រ្ត

-ឯកទេសរដ្ឋបាលសាធារណៈ

-ឯកទេសនីតិឯកជន

២.បរិញ្ញាបត្រជាន់ខ្ពស់ធុរកិច្ច

-ឯកទេសគ្រប់គ្រង

-ឯកទេសហិរញ្ញវត្ថុ។

-កម្មវិធីអន្តរជាតិ

១.នីតិអន្តរជាតិ និងប្រៀបធៀប សិក្សាជាភាសាបារាំង

២.នីតិភូមិបាល និងបេតិកភណ្ឌ សិក្សាជាភាសាខ្មែរ តាមរយៈការបកប្រែ

៣.នីតិធុរកិច្ចអន្តរជាតិ សិក្សាជាភាសាអង់គ្លេស

៤.នីតិសាធារណៈ និងអន្តរជាតិ សិក្សាជាភាសាអង់គ្លេស

៥.គ្រប់គ្រងហានិភ័យក្នុងផ្នែកធានារ៉ាប់រង ធនាគារ និងហរិញ្ញវត្ថុ សិក្សាជាភាសាអង់គ្លេស

៦.សហគ្រិនភាព និងគ្រប់គ្រងគម្រោង សិក្សាជាភាសាអង់គ្លេស

បញ្ជាក់៖ កម្មវិធីសិក្សាខាងលើនឹងទទួលបានសញ្ញាបត្រចំនួន២ (ខ្មែរ និងបារាំង ឬ ប៊ែលហ្សិក)

៧.បរិញ្ញាបត្រជាន់ខ្ពស់នីតិសាស្ត្រ សិក្សាជាភាសាអង់គ្លេស។

+តម្លៃបង់ថ្លៃសិក្សាក្នុងមួយឆ្នាំ ឬ ក្នុងមួយឆមាស

-និស្សិតឆ្នាំមូលដ្ឋាន (ឆ្នាំទី១) ត្រូវបង់ថ្លៃសិក្សា ៥៨០$/ឆ្នាំ ឬ ៣០០ដុល្លារ/១ឆ្នាឆមាស

-និស្សិតឆ្នាំទី១ ផ្នែកនីតិសាស្ត្រសិក្សាជាភាសាខ្មែរ-ចិន បង់ថ្លៃ ៥៨០$/១ឆ្នាំ ឬ ៣០០$/១ឆមាស

-និស្សិតឆ្នាំទី២ ទី៣ និងទី៤ ផ្នែកទំនាក់ទំនងអន្តរជាតិ បង់ថ្លៃ ៧០០$/១ឆ្នាំ ឬ ៣៧៥$/១ឆមាស

-និស្សិតឆ្នាំទី២ ទី៣ និងទី៤ ផ្នែកនីតិសាស្ត្រសិក្សាជាភាសាអង់គ្លេស បង់ថ្លៃ ៨០០$/១ឆ្នាំ ឬ ៤២០$/១ឆមាស

-ថ្នាក់បរិញ្ញាបត្រជាន់ខ្ពស់ ផ្នែកនីតិសាស្ត្រជាភាសាអង់គ្លេស បង់ថ្លៃ ១,៥០០$/១ឆ្នាំ ឬ ៧៧៥$/១ឆមាស

-ថ្នាក់បរិញ្ញាបត្រជាន់ខ្ពស់នីតិសាស្ត្រ និងធុរកិច្ច បង់ថ្លៃ ១,០៥០$/១ឆ្នាំ ៥៥០$/១ឆមាស។

គួររំលឹកថា នៅក្នុងឆ្នាំសិក្សា ២០២២-២០២៣នេះ សាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច ជ្រើសរើសនិស្សិតចូលសិក្សាសម្រាប់ថ្នាក់បង់ថ្លៃចំនួន ៥,១០០នាក់ លើមហាវិទ្យាល័យចំនួន៤។ ចំពោះវេនសិក្សា មាន៣ ពេល គឺពេលព្រឹក ពេលថ្ងៃ និងពេលយប់ មានពីថ្ងៃចន្ទ ដល់ថ្ងៃអាទិត្យ អាស្រ័យលើមុខជំនាញនីមួយៗ៕

ដោយ៖ អុន ស្រីមាន