ជីវិតកម្សាន្ដ

ឃឿន ប៉ូលីកា គ្រងមកុដ Miss Preteen Junior Idol World 2023 លើឆាកអន្តរជាតិ ជាបវរកញ្ញាវ័យក្មេង កម្ពុជា ដំបូងគេ

បានផុស

២ years មុន

នៅ

ថ្ងៃចន្ទ ៩ មករា ២០២៣

ដោយ

ជារឿងមួយដែលជាទីមោទកភាពរបស់ប្រទេសកម្ពុជា ខណៈឃឿន ប៉ូលីកា គ្រងមកុដ Miss Preteen Junior Idol World 2023 លើឆាកអន្តរជាតិ ក្នុងវគ្គផ្ដាច់ព្រ័ត្រកាលពីរាត្រីថ្ងៃទី ០៨ ខែមករា ឆ្នាំ២០២៣ ដែលប្រព្រឹត្តឡើងនៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះដែរ អំឡុងពេលប្រកួត Queen តូច ឃឿន ប៉ូលីកា បានខិតខំប្រឹងប្រែងយ៉ាងស្វិតស្វាញ ដើម្បីដណ្ដើមយកជ័យជម្នះលើឆាកអន្តរជាតិ ទាំងការដើរបង្ហាញម៉ូដ និងការឆ្លើយសំណួរពីគណៈកម្មការ រហូតនាងអាចទទួលបានលទ្ធផលក្លាយជាម្ចាស់មកុដ Miss Preteen Junior Idol World 2023។

ជាមួយគ្នានេះដែរ ម្ចាស់មកុដ Miss Preteen Junior Idol World 2023 បានសរសេរសារថ្លែងអំណរគុណដល់អ្នកគាំទ្រថា “អរគុណអ្នកទាំងអស់គ្នាបានគាំទ្រខ្ញុំ ហើយជំរុញទឹកចិត្តខ្ញុំ។ នាងខ្ញុំត្រៀមខ្លួនធ្វើជា international queen ដែលល្អ ដែលជម្រុញទឹកចិត្តទាំងអស់គ្នាឲ្យមានភាពជឿជាក់ និងជឿជាក់លើខ្លួនឯង”។

សូមរម្លឹកដែរថា ឃឿន ប៉ូលីកា ជាបវរកញ្ញាវ័យក្មេងដំបូងគេបង្អស់ក្នុងប្រទេសកម្ពុជា ដែលបានឈ្នះមកុដ Miss Preteen Junior Idol World 2023 ក្នុងវ័យ១៤ឆ្នាំ។ ជាពិសេសលទ្ធផលដែលនឹកស្មានមិនដល់នេះ បានធ្វើឲ្យមហាជនជាច្រើនពិតជាមានមោទកភាពលើរូបនាងយ៉ាងខ្លាំង៕