ជីវិតកម្សាន្ដ

រូបភាពច្រើនសន្លឹករបស់ Nadech-Yaya ធ្វើឲ្យហ្វេនរំភើបចិត្តថា ខាងប្រុសអាចសុំរៀបការ

បានផុស

២ years មុន

នៅ

ថ្ងៃព្រហស្បតិ៍ ១២ មករា ២០២៣

ដោយ

រូបថតប៉ុន្មានសន្លឹកដែលភាគីខាងស្រី គឺតារាសម្ដែង Yaya Urassaya បានបង្ហោះ ធ្វើឲ្យអ្នកគាំទ្រគូស្នេហ៍នេះមានក្ដីរំភើបនឹងប៉ាន់ស្មានថា Nadech អាចនឹងសុំនាងរៀបការលើព្រិលទឹកកកថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពដែលទស្សនិកជនបានឃើញ Yaya បង្ហោះលើ Instagram គឺជាទិដ្ឋភាពបង្ហាញពីភ្នំ Titlis ស្ថិតនៅឯប្រទេសស្វីស ខណៈគូស្នេហ៍ផ្អែមល្ហែមកំពុងជិះស្គីលើទឹកកកយ៉ាងសប្បាយរីករាយ។ ក្នុងនោះអ្នកទាំងពីរបានបង្ហាញរូបព្រិលទឹកកកជារាងបេះដូង ដែលពូនជាមួយគ្នាដើម្បីអួតហ្វេនដូចរាល់ដង។ មិនរង់ចាំយូរនោះទេ អ្នកគាំទ្រជាច្រើនចូលមកបញ្ចេញមតិចំអន់គូស្នេហ៍នេះថា ពួកគេកំពុងរង់ចាំមើលថាតើ Nadech នឹងសុំ YaYa រៀបការឬអត់?
មើលតែរូបភាពក៏ដឹងថា អ្នកទាំងពីរគួរឲ្យស្រលាញ់និងរ៉ូមែនទិកដែរ។ ជាងនេះទៅទៀតទស្សនិកជនមួយចំនួនទៀតក៏បញ្ចេញមតិបែបផ្គូរផ្គងថា បើ Nadech សុំ YaYa រៀបការមែន ដឹងតែកក្រើកឆ្នាំ២០២៣ហើយ។

គូស្នេហ៍ Nadech-Yaya ត្រូវបានគេដឹងថាអ្នកទាំងពីរស្គាល់គ្នាតាំងពីធ្លាប់សម្ដែងរឿងភាគដំបូងរហូតមកដល់ពេលនេះប្រហែល១០ឆ្នាំមកហើយ ពួកគេជាគូស្នេហ៍ពិតប្រាកដដែលអ្នកគាំទ្រមានជំនឿយ៉ាងមុតមាំថា នឹងអាចឈានដល់ទ្វារសុភមង្គលឆាប់ៗនេះមិនខាន៕