រុស្ស៊ី ថា ការផ្ដល់អាវុធឲ្យ អ៊ុយក្រែន មិនអាចបង្អាក់គោលដៅប្រតិបត្តិការ​យោធាពិសេសនោះទេ

អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានប្រាប់សន្និសីទសារព័ត៌មានកាលពីថ្ងៃព្រហស្បតិ៍ថា ទោះបីជាលោកខាងលិចផ្ដល់អាវុធវាយប្រហារឲ្យរដ្ឋាភិបាលទីក្រុងកៀវក្នុងទំហំណាក៏ដោយ ក៏មិនអាចបង្អាក់រុស្ស៊ីពីការសម្រេចបាននូវគោលដៅប្រតិបត្តិការយោធាពិសេសនៅអ៊ុយក្រែនបានដែរ ។

ទីក្រុងមូស្គូបានចាត់ទុកផែនការបែបនេះ គឺជាការបន្តគោលនយោបាយរបស់លោកខាងលិច ហើយវាក៏ជាចេតនាធ្វើឲ្យជម្លោះកាន់តែកើនឡើង ជាពិសេសការអូសបន្លាយពេលនេះ គឺរឹតតែធ្វើឲ្យប្រជាជនអ៊ុយក្រែនឈឺចាប់” ។

ទន្ទឹមនោះ ការលើកឡើងរបស់លោកស្រី Zakharova ក៏បានកើតឡើង ស្របពេលដែលទីក្រុងមូស្គូព្រមានដល់ប្រទេសបារាំង ពាក់ព័ន្ធនឹងការផ្គត់ផ្គង់រថក្រោះឲ្យទីក្រុងកៀវតាមការសន្យារបស់លោកប្រធានាធិបតី Emmanuel Macron ។

គួរបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០២២ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ខណៈរហូតមកដល់ពេលនេះ វាមានរយៈពេលជាង ១០ ខែមកហើយ ។

បន្ទាប់មក លោកខាងលិច​បានដាក់​ទណ្ឌកម្ម​យ៉ាង​ខ្លាំងក្លា​ប្រឆាំង​រុស្ស៊ី និង​បង្កើន​ការផ្គត់ផ្គង់​សព្វាវុធ​ដល់​រដ្ឋាភិបាលទីក្រុងកៀវ ដែល​មានតម្លៃ​រាប់សិប​ពាន់​លាន​ដុល្លារ​ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ មកដឹងប្រាក់ចំណូលដែល រុស្ស៊ី កើបបាន ក្រៅពីប្រេង និងឧស្ម័ន