វីដេអូចុងក្រោយ ថតផ្ទាល់នៅក្នុងយន្តហោះនេប៉ាល់ លាន់សំឡេងអ្នកដំណើរស្រែកទ្រហឹងយ៉ាងសង្វេគ

វីដេអូដែលគេកំពុងចែករំលែកពេញបណ្តាញសង្គម បានបង្ហាញពីអ្នកដំណើរម្នាក់ ថតនូវពេលវេលាចុងក្រោយ មុនពេលយន្តហោះរបស់ក្រុមហ៊ុន Yeti Airlines ធ្លាក់ក្នុងប្រទេសនេប៉ាល់។

ក្នុងវីដេអូនេះ គេបានឃើញបុរសពាក់អាវលឿង និងអ្នកដំណើរច្រើននាក់ទៀតកំពុងអង្គុយក្នុងយន្តហោះ ហើយភ្លាមនោះយន្តហោះក៏ចាប់ផ្តើមធ្លាក់។ សំឡេងស្រែក​យ៉ាងរន្ធត់ បានលាន់ឮទ្រហឹង រួចក៏មានភ្លើងឆាបឆេះ។

គួរបញ្ជាក់ថា នេប៉ាល់ កំពុងកាន់ទុក្ខសម្រាប់ជនរងគ្រោះនៃគ្រោះមហន្តរាយផ្លូវអាកាសដ៏អាក្រក់បំផុតរបស់ប្រទេស ក្នុងរយៈពេលប្រហែល ៣ទសវត្សរ៍ចុងក្រោយ។

មនុស្ស ៦៨នាក់បានស្លាប់ នៅពេលជើងហោះហើរចេញពីទីក្រុង Kathmandu ឆ្ពោះទៅកាន់ទីក្រុងទេសចរណ៍ Pokhara បានធ្លាក់ និងឆេះកាលពីថ្ងៃអាទិត្យទី១៥ខែមករា។

ទោះបីជាយ៉ាងណាក៏ដោយ មកទល់ពេលនេះ គេមិនទាន់ដឹងច្បាស់ថាតើ យន្តហោះនេះធ្លាក់បណ្តាលមកពីមូលហេតុអ្វីនោះទេ៕ 

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ នេប៉ាល់ កាន់ទុក្ខជនរងគ្រោះ ក្នុងសោកនាដកម្មដែនអាកាសអាក្រក់បំផុត នារយៈពេល៣ទសវត្សរ៍