អត្ថន័យសំណែន មាន់ស្ងោរ ក្នុងពិធីបុណ្យចូលឆ្នាំថ្មី កូនចៅចិនមិនអាចអាក់ខានបាន

មាន់ស្ងោរ ជាសំណែនមួយប្រភេទដែលអត់មិនបាន នៅពេលសែនដូនតា ក្នុងពិធីបុណ្យចូលឆ្នាំប្រពៃណីចិន។ តាមជំនឿរបស់ជនជាតិចិន គេជឿថា ការទៅសែនព្រេនមាន់ស្ងោរក្នុងឱកាសចូលឆ្នាំថ្មី គឺជាការបួងសួងសុំពរជ័យឆ្នាំថ្មីពីទេវតាឱ្យជួយថែរក្សាគ្រួសាររស់នៅជាមួយគ្នាដោយសុខសាន្ត រកស៊ីមានបាន ការងារជោគជ័យ និងសម្រេចបំណងប្រាថ្នាទាំងអស់។

សត្វមាន់ តំណាងឱ្យការឧស្សាហ៍ព្យាយាម ព្រោះវាជាសត្វដែលងើបពីព្រលឹម ហើយការសែនព្រេនសាច់បក្សីមួយនេះ នឹងនាំឱ្យការងារ​រីក​ចម្រើន ចំណែកការធ្វើពាណិជ្ជកម្មនឹងទទួលជោគជ័យ។ លើសពីនេះ សត្វមាន់ តំណាងឱ្យភាពបរិសុទ្ធ និងទ្រព្យសម្បត្តិផងដែរ។ ដូច្នេះ​ការ​ថ្វាយ​មាន់ស្ងោរ ​ប្រៀបបានហៅ​លាភ​សំណាងចូលដល់គ្រួសារទាំងមូល។

យ៉ាងណាមិញក្រៅពីមាន់ស្ងោរ ប្រជាជនចិន ឬអ្នកជាប់សែស្រឡាយ នៅមានគ្រឿងដង្វាយផ្សេងទៀតដូចជា ទាស្ងោរ និងជ្រូកខ្វៃ។ល។ ព្រោះគេជឿថា វាជានិមិត្តរូបនៃភាពល្បីល្បាញ និងទ្រព្យសម្បត្តិហូរហៀរ៕

អត្ថបទ៖ សន្យា

ចុចអាន៖ សំណែនទាំងនេះ ជាប្រពៃណីកូនចៅចិន តែងសែននៅថ្ងៃទី១ ព្រោះជឿថានាំសំណាងពិត

ចុចអាន៖ ពណ៌អពមង្គលមួយ ប្រជាជនចិនមិនប្រើដាច់ខាត ក្នុងឱកាសបុណ្យចូលឆ្នាំថ្មី