ក្រសួងអប់រំ និង UN ពិភាក្សា ស្ដីពី ការលើកកម្ពស់ការអប់រំនៅកម្ពុជា

ថ្មីៗនេះ បណ្ឌិតសភាចារ្យ ហង់ជួន ណារ៉ុន រដ្ឋមន្រ្តី ក្រសួងអប់រំ យុវជន និងកីឡា បានទទួលជួបពិភាក្សាការងារជាមួយលោក Joseph Scheuer អ្នកសម្របសម្រួលអង្គការសហប្រជាជាតិ (UN) ថ្មីប្រចាំនៅកម្ពុជា។

កិច្ចពិភាក្សានេះ បានផ្តោតទៅលើ កិច្ចសហប្រតិបត្តិរវាងភ្នាក់ងារអង្គការសហប្រជាជាតិ ជាមួយក្រសួងអប់រំ យុវជន និងកីឡា កន្លងមក ដែលបានចូលរួមអភិវឌ្ឍវិស័យអប់រំនៅកម្ពុជា ស្របទៅនឹងកំណែទម្រង់វិស័យអប់រំ រួមមាន៖ ការអភិវឌ្ឍសមត្ថភាពគ្រូបង្រៀន ការសិក្សានៅថ្នាក់ដំបូងនៃបឋមសិក្សា ការអប់រំសុខភាព ការបណ្តុះបណ្តាលជំនាញសម្រាប់យុវជន ការរៀបចំគោលនយោបាយ និងការរៀបចំផែនការ ការអភិវឌ្ឍសមត្ថភាពជាពិសេស ការដោះស្រាយលើការសិក្សានៅពេលមានការរីករាលដាលនៃជំងឺកូវីដ-១៩។

ភ្នាក់ងាររបស់អង្គការសហប្រជាជាតិ នឹងបន្តកិច្ចសហការជាមួយ ក្រសួងអប់រំ យុវជន និងកីឡា តាមរយៈការរៀបចំក្របខណ្ឌជំនួយអភិវឌ្ឍរបស់អង្គការសហប្រជាជាតិ (UNDAF) ឆ្នាំ២០២៣-២០២៨ ដែលនឹងត្រូវពិភាក្សាយ៉ាងទូលំទូលាយ ពិសេសការផ្តោតលើបរិវត្តន៍កម្មអប់រំ ដែលបានអនុម័តដោយអង្គការសហប្រជាជាតិកាលពី ខែកញ្ញា ឆ្នាំ២០២២ ផ្តោយលើការអប់រំ ការចូលរួមរបស់យុវជន ការដោះស្រាយបញ្ហាយេនឌ័រ ការអភិវឌ្ឍសមត្ថភាព៕