ព័ត៌មានជាតិ

អតីតនិស្សិតពេទ្យឆ្មបម្នាក់ ខំរៀនរហូតប៉ះពាល់សតិលែងដឹងខ្លួនរត់ទៅចង ក

បានផុស

៤ years មុន

នៅ

ថ្ងៃចន្ទ ១១ មករា ២០២១

ដោយ

នារីជាអតីតនិស្សិតពេទ្យឆ្មបម្នាក់ បាត់ខ្លួន២ខែហើយ ត្រូវបានក្មេងៗប្រទះឃើញចង.ក សម្លាប់ខ្លួន នឹងដើមពុទ្ធា នៅក្នុងដីឡូតិ៍មួយកន្លែង បង្កឲ្យមានការភ្ញាក់ផ្អើលកាលពីវេលាម៉ោង៦និង ៣០ព្រឹកថ្ងៃទី១១ ខែមករា ឆ្នាំ២០២១ ផ្លូវកែវចិន្តាក្នុងក្រុម១២ ភូមិ០១ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នារីរងគ្រោះ ត្រូវបាននគរបាលឲ្យដឹងថា ឈ្មោះ ឈីវ សំអុន អាយុ៣១ឆ្នាំ មានលំនៅផ្ទះលេខ ១៤៦D ផ្លូវលំ ភូមិ០២ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។ ប៉ូលិស និយាយថា ជនរងគ្រោះបានចង.ក សម្លាប់ខ្លួននឹងខ្សែនីឡុងភ្ជាប់ទៅនឹងដើមពុទ្ធាក្នុងព្រៃហើយ ត្រូវបានក្មេងៗក្នុងភូមិទៅបេះពុទ្រាប្រទះឃើញ ប្រាប់ឪពុកម្តាយរាយការណ៍ ប្រាប់នគរបាលមូលដ្ឋាន ហើយស្គាល់អត្តសញ្ញាណក៏បានប្រាប់បងប្អូន។

តាមបងស្រី នារីរងគ្រោះឲ្យដឹងថា ជនរងគ្រោះឈ្មោះ ឈីវ សំអុន មានជំងឺសរសៃប្រសាទ ប្រមាណជិត១០ឆ្នាំមកហើយ។ រយៈពេលប្រមាណជិត២ខែមកហើយ នាងក៏បានរត់ចេញពីផ្ទះទៅបាត់ខ្លួន មិនដឹងទៅទីណា ស្រាប់តែទទួលដំណឹងពីសមត្ថកិច្ចថា នាងបានចង.ក សម្លាប់ខ្លួនទៅហើយ។ តាមព័ត៌មានឲ្យដឹងទៀតថា កន្លងជនរងគ្រោះរូបនោះ ជានិស្សិតពេទ្យ ដែលរៀនពូកែ ប្រឡងជាប់អាហារូបករណ៍ទៅរៀននៅប្រទេសថៃរហូតដល់ជិតចប់។ ដោយសារតែការខិតខំរៀនខ្លាំងពេក បណ្តាលឲ្យនាង រលាកខួរក្បាលមានជំងឺសរសៃប្រសាទ ហើយត្រូវបានសាលាទាក់ទទងមកក្រុមគ្រួសារឲ្យទៅទទួលយកមកស្រុកកំណើតវិញ និងបានបញ្ចប់ជីវិតដោយចង.ក សម្លាប់ខ្លួនឯងនៅពេលនេះ។ សពត្រូវបានក្រុមគ្រួសារបញ្ជូនទៅកាន់ឈាបនដ្ឋាន វត្តពោធិ៍យារាម ហៅវត្តចាស់ ដើម្បីធ្វើបុណ្យតាមប្រពៃណី៕