ព័ត៌មានជាតិ

កងទ័ពបន្តដឹកជញ្ជូនសម្ភារៈ និងផ្ទះប្រជាពលរដ្ឋស្ម័គ្រផ្លាស់ប្ដូរលំនៅឋានតំបន់អភិវឌ្ឍន៍ថ្មីរុនតាឯក

បានផុស

២ years មុន

នៅ

ថ្ងៃអង្គារ ២៤ មករា ២០២៣

ដោយ

ឧត្តរមានជ័យ ៖ នៅថ្ងៃទី២៤ ខែមករា ឆ្នាំ២០២៣ យោងតាមប្រសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ឧត្តមសេនីយ៍ទោ ប៉ែន វ៉ូយ មេបញ្ជាការ កងពលតូចថ្មើរជើងលេខ ៤២ យោធភូមិភាគទី៤ បានដាក់បទបញ្ជាយ៉ាងម៉ឺងមាត់ ដល់កងកម្លាំងដឹកជញ្ជូន និងកងកម្លាំងអន្តរាគមន៍ចំណុះកងពល បានជួយដឹកជញ្ជូន លើកដាក់គ្រឿងផ្ទះ និង សម្ភារៈផ្សេងៗ ជូនប្រជាពលរដ្ឋដែលមានទីលំនៅក្នុងភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប ដែលបានស្ម័គ្រចិត្តចាកចេញពីតំបន់រមណីយដ្ឋានអង្គរ ទៅរស់នៅតំបន់អភិវឌ្ឍន៍ថ្មីរុនតាឯក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមការដឹកនាំបញ្ជាផ្ទាល់របស់លោក វរសេនីយ៍ឯក លីវ សារី សេនាធិការរងកងពលតូចថ្មើរជើងលេខ ៤២ ដឹកនាំកម្លាំងសរុបចំនួន ៦០នាក់ និង រថយន្តចំនួន ០៣ គ្រឿង បានយកចិត្តទុកដាក់ខ្ពស់ក្នុងការចុះជួយដឹកជញ្ជូន លើកដាក់គ្រឿងផ្ទះ និង សម្ភារៈផ្សេងៗរបស់ប្រជាពលរដ្ឋ និង សហការយ៉ាងជិតស្និទ្ធ ជាមួយអាជ្ញាធរមូលដ្ឋានដែលមានការពាក់ព័ន្ធបានយ៉ាងល្អ។

លោកមេបញ្ជាការកងពលតូចថ្មើរជើងលេខ៤២ បានដាស់តឿនដល់កងកម្លាំងរបស់កងពលទាំងអស់ ត្រូវខិតខំយកចិត្តទុកដាក់ សហការឲ្យបានជិតស្និទ្ធជាមួយប្រជាពលរដ្ឋ អាជ្ញារធរដែនដី និងសមត្ថកិច្ចដែលមានការពាក់ព័ន្ធ ត្រូវអនុវត្តផែនការអោយបាន ១០០% តាមប្រសាសន៍របស់ សម្តេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រីនៃព្រះរាជាណាចក្រកម្ពុជា៕

ដោយ ៖ ចាន់ ធី