KPT+

មនុស្សប្រុសបែបណាដែលស្រីៗចង់បាន ហើយតាមស្រលាញ់ជាគូអនាគត?

បានផុស

៤ years មុន

នៅ

ថ្ងៃចន្ទ ១១ មករា ២០២១

ដោយ

Sonya

មនុស្សប្រុសជាច្រើន មិនដឹងឡើយថា មនុស្សស្រីត្រូវការអ្វីឱ្យប្រាកដ?

គេគិតថានាងចង់បាន ឡានទំនើប ផ្ទះធំ និងជំនូនថ្លៃ?

ជាទូទៅគឺបែបនេះ ហើយក៏ដោយសារហេតុផលនេះដែលមនុស្សជាច្រើន បានងាកទៅចេះផិតក្បត់គ្នានៅក្រោយជីវិតប្តីប្រពន្ធ ឬលែងលះគ្នាតែម្តងបន្សល់កូនកំព្រារញង់ផ្ញើរវាសនាតាមព្រហ្មលិខិត។

KPT Plus មានគន្លឹះមួយចំនួនបង្ហាញពីតម្រូវការពិតនៃមនុស្សស្រី៖

១ ចរិតមនុស្សប្រុសកាចៗ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងប្រលោមលោកចាប់រំលោភឬស្រៀវស្រើបរំជួលបេះដូង គេចូលចិត្តតាក់តែងតួប្រុសជាបងធំ ឬអ្នកមានអំណាចមានចិត្តស្លុយៗដែលចាប់តួស្រីមករួមរស់នឹងគ្នា មុនពេលយល់ចិត្តយល់ថ្លើម តែនៅជីវិតខាងក្រៅចរិតបែបនេះ លទ្ធផលចុងក្រោយគឺដេកគុក។ មនុស្សស្រីចូលចិត្តមនុស្សប្រុសជាភាគីចាប់ផ្តើម តែពុំមែនចាប់បង្ខាំងឬរំលោភនាងឡើយ អំពើទំាងនេះត្រូវបានខារឃាំងដោយច្បាប់។ នាងត្រូវការមនុស្សដែលហ៊ានស្នេហ៍ ហ៊ានសារភាព មានចរិតសុភាព តែក៏មិនខ្លាចចូលជួបដល់ម៉ែឪនោះទេ។

២ មានលុយកាក់តួនាទី?

នាងស្រលាញ់អ្នកជាអ្នក! ប្រសិនអ្នកយកតួនាទីទៅដាក់មុខអ្នកនឹងបាននារីម្នាក់ដែលស្រលាញ់តួនាទីមិនមែនស្រលាញ់អ្នកឡើយ ភ្ញាក់ខ្លួនឡើង!

៣ កាយសម្បទាដូចអាតួ?

អ្នកជាមនុស្សប្រុស ធ្វើខ្លួនជាប្រុសទៅគ្រប់ហើយ មិនចាំបាច់សាច់ដុំ៦ផ្នត់ និងដើរទៅណាឆ្លុះកញ្ចក់ដូចតារាទេ។ មនុស្សប្រុសសំដៅលើអត្តចរិត និងសម្តីសំដៅអាកប្បកិរិយា និងចំណេះដឹងក្នុងសង្គម។ យើងផុសរូបប៉ុន្មានសន្លឹកក្នុងមួយថ្ងៃលើបណ្តាញសង្គម? សូម្បីមនុស្សស្រីធ្វើបែបនេះនៅតែមានក្លិន «ភ្លើតភ្លើន» មកតាម ចុះទម្រាំអ្នកជាប្រុស?

៤ សញ្ញាប័ត្រ?

សម័យណេះសញ្ញាប័ត្រដែលអ្នកមានមនុស្សស្រីក៏មានដែរ! ក្រែងតែទៅធ្វើតេស្តជាមួយគ្នាចាញ់នាងផងមិនដឹង? នាងមិនមែនស្រលាញ់អ្នកដោយសារកម្រិតវប្បធម៌ទេ តែទេពកោសល្យអ្នក លក្ខណៈពិសេសនៃជំនាញអ្នកដែលអាចធ្វើឱ្យនាងរំភើបបាន។ ការងារនិងជំនាញ ខុសគ្នា។ ការងារអាចបាត់ តែជំនាញមួយជីវិត។ តើអ្នកមានជំនាញអ្វី? នេះជាសំណួរដែលស្រីៗសួរខ្លួនគេមុនស្រលាញ់អ្នក។

៥ ចិត្តសាស្ត្ររ៉ូមែនទិក?

ត្រូវណាស់ មនុស្សស្រីចូលចិត្តរ៉ូមែនទិក តែមិនចាំបាច់លុតជង្គង់សុំរៀបការ ឬជូនផ្កាបង្ហិនលុយជានិច្ចទេ។ អ្នកអត់លុយកុំខំធ្វើដូចពួកសេដ្ឋី ហើយខ្ចីលុយគេ។ នាងត្រូវការការពិតរបស់អ្នក ចិត្តថ្លើមរបស់អ្នកជាជាងបាច់ផ្កាទំាងនោះ។ មនុស្សខ្លះគ្មានទំាងផ្កាចិត្តរឹតតែអត់ទៀត ធ្វើម៉េចមានស្រីតាមស្រលាញ់?

អត្ថបទ៖ ចម្រើន តារា

ចុចអាន៖ ជឿទេថា សុភាពបុរស មើលទៅសិចស៊ីខ្លាំង?

ចុចអាន៖ ដឹងខ្ទេច! ចរិតពិតអ្នកកើតខែមករា