ស្ងាត់ៗ Paris Hilton ស្វាគមន៍កូនដំបូងជាមួយស្វាមី

តារាហូលីវូដ Paris Hilton បានផុសរូបកូនដំបូងរបស់នាងវេលាថ្ងៃអង្គារ ទី២៤ ខែមករា ឆ្នាំ២០២៣ នៅក្នុងបណ្ដាញសង្គម Instagram ដែលមានអ្នកតាមដានប្រហែល ២២ លាននាក់ ។

ជាក់ស្ដែងអ្នកស្រីមិនបានបង្ហោះរូបកូនទាំងស្រុងទេ គាត់បង្ហោះត្រឹមតែដៃរបស់កូនប្រុសជាទីស្រលាញ់ប៉ុណ្ណោះ ។ ចំណែកចំណងជើងដែលភ្ជាប់មកជាមួយរូបថតវិញ Paris សរសេរថា “You are already loved beyond words” ឬ “កូនត្រូវបានស្រលាញ់ជាងពាក្យស្រលាញ់ទៅទៀត” ។ 

តារាហូលីវូដវ័យ ៤១ ឆ្នាំខាងលើបានបញ្ជាក់ដែរថា “វាជាក្ដីស្រមៃរបស់ខ្ញុំរហូតមកក្នុងការធ្វើជាម្ដាយម្នាក់ ហើយខ្ញុំសប្បាយចិត្តណាស់ដែលស្គាល់ Carter ។ យើងមានក្ដីរំភើបជាខ្លាំងចំពោះការចាប់ផ្ដើមគ្រួសារជាមួយបេះដូងដែលពោរពេញទៅដោយក្ដីស្រលាញ់សម្រាប់កូនប្រុសពួកយើង” ។

ជាមួយគ្នានេះដែរ Paris មិនទាន់បញ្ចេញឈ្មោះកូនរបស់គាត់នៅឡើយទេ ហើយអ្នកតាមដានប្រាកដជាឆ្ងល់ពីការពរពោះដូចគ្នា ។ ដូច្នេះសូមបញ្ជាក់ដែរថា កូនប្រុសដំបូងរបស់ Paris Hilton និងលោក Carter Reum មានកំណើតមកពីអ្នកស៊ីឈ្នួលពរពោះ មិនមែនអ្នកស្រី Paris ជាអ្នកបង្កើតផ្ទាល់នោះទេ ៕

ប្រែសម្រួលដោយ ៖ វារី

ចុចអាន ៖ ១០ យ៉ាងពី Paris Hilton តារាស្រីហូលីវូដជើងចាស់តែខ្លឹម