Lisa បំបែកកំណត់ត្រាពិភពលោក Guinness ដល់ទៅ ៥ ក្នុងឆ្នាំតែមួយ

យោងទៅតាមកំណត់ត្រាពិភពលោក Guinness បានប្រកាសកាលពីថ្ងៃទី ២៤ ខែ មករា ថា Lisa សមាជិកក្រុម BLACKPINK បានបង្កើតកំណត់ត្រាពិភពលោកចំនួន ៥ ក្នុងឆ្នាំ ២០២២ ។

កំណត់ត្រាពិភពលោក Guinness World Records បានបញ្ជាក់ Lisa សមាជិកក្រុម BLACKPINK បានបំបែកកំណត់ត្រាថ្មីចំនួន ៣ រួមមាន K-pop ទោលដំបូងគេនៅក្នុងកម្មវិធី MTV Video Music Awards និងជាអ្នកឈ្នះពានរង្វាន់ K-pop ទោលដំបូងគេនៅកម្មវិធី MTV Europe Music Awards ក៏ដូចជាចុង ក្រោយជាសិល្បករ K-pop មានអ្នកតាមដានច្រើនបំផុតនៅលើ Instagram ។

Guinness World Records បានបន្ថែមថា “នេះធ្វើឱ្យ Lisa ក្លាយជាគណនីទី ៣៨ ដែលមានអ្នកតាមដានច្រើនជាងគេនៅលើវេទិកា ខណៈកីឡាករបាល់ទាត់ Cristiano Ronaldo គឺជាបុគ្គលដែលមានអ្នកតាមដានច្រើន ជាងគេបំផុតដល់ទៅ ៥៣៨ លាននាក់” ។

យ៉ាងណាមិញ សរុបមក Lisa ឥឡូវនេះមានកំណត់ត្រាពិភពលោកហ្គីណេសចំនួនប្រាំ រួមទាំង MV Youtube ដែលមានអ្នកមើលច្រើនជាងគេបំផុតរបស់នាងក្នុងរយៈពេល ២៤ ម៉ោង និងវីដេអូ MV ដែលមានអ្នកមើលច្រើនជាងគេក្នុងរយៈពេល ២៤ ម៉ោងដោយជាតារា K-pop Solo ៕

ប្រែសម្រួល៖នាងតូច

ចុចអាន៖Lisa នឹងចូលរួមដណ្តើមពានរង្វាន់ Premio Lo Nuestro ឆ្នាំ ២០២៣