កីឡា
មន្ត្រីបាល់ទះកម្ពុជា ២៥រូបបញ្ចប់វគ្គបណ្ដុះបណ្ដាលប្រព័ន្ធការប្រកួតដោយជោគជ័យ ត្រៀមមុនស៊ីហ្គេម ឆ្នាំ២០២៣
នៅព្រឹកថ្ងៃទី២០ ខែមករា ឆ្នាំ២០២៣ សហព័ន្ធកីឡាបាល់ទះកម្ពុជា បានធ្វើពិធីបិទវគ្គបណ្ដុះបណ្ដាលប្រព័ន្ធ Volleyball Information System (VIS) និង E-Scoresheet Computer Program បន្ទាប់ពីបានសិក្សាអស់រយ:ពេល ៥ថ្ងៃ ចាប់ពីថ្ងៃទី១៦ ដល់ថ្ងៃទី២០ ខែមករា ឆ្នាំ២០២៣ ដល់មន្ត្រីបច្ចេកទេសចំនួន ២៥រូប ស្រីចំនួន ៨នាក់ មកពីមន្ទីរអបរំ យុវជន និងកីឡារាជធានី-ខេត្ត, នាយកដ្ឋានអបរំកាយ និងកីឡា, នាយកដ្ឋានអប់រំកាយ សិស្សនិស្សិត, នាយកដ្ឋានរៀបចំ និងព្រឹត្តិការណ៍កីឡា និងវិទ្យាស្ថានអប់រំកាយ និងកីឡា។
លោក ស សុខា រដ្ឋលេខាធិការក្រសួងអប់រំ យុវជន និងកីឡា និងជាអនុប្រធានសហព័ន្ធកីឡាបាល់ទះកម្ពុជា បានមានប្រសាសន៍ថា «ការបើកវគ្គបណ្ដុះបណ្ដាលប្រព័ន្ធបច្ចេកវិទ្យានេះ នឹងរៀបចំយ៉ាងហោចណាស់ឲ្យបានម្ដងក្នុងមួយឆ្នាំដើម្បីពង្រឹងសមត្ថភាពដល់មន្ត្រីសហព័ន្ធ និងជំរុញឲ្យមានការបណ្ដុះបណ្ដាលនៅតាមបណ្ដាខេត្តផងដែរ ជាពិសេសសិក្ខាកាមជានារីឲ្យបានចូលរួមកាន់តែច្រើន ដើម្បីមានលទ្ធភាពក្លាយជាអាជ្ញាកណ្ដានាពេលខាងមុខ»។
លោក ស សុខា បានបន្ថែមថា ដើម្បីពង្រឹងសមត្ថភាពដល់មន្ត្រីបច្ចេកទេសរបស់សហព័ន្ធ គួរមានការផ្ដល់ឱកាសឲ្យពួកគាត់ទៅចូលរួមសិក្សាពីការរៀបចំការនៅពេលមានការប្រកួតនៅក្រៅប្រទេស ជាក់ស្តែងនាពេលខាងមុខកម្ពុជា អាចនឹងមានការប្រកួតជាមួយប្រទេសសិង្ហបុរី និងម៉ាឡេស៊ី ដែលជាឱកាសក្នុងការដកស្រង់បទពិសោធន៍សម្រាប់មន្ត្រីបច្ចេកទេសរបស់សហព័ន្ធកីឡាបាល់ទះកម្ពុជា ទៅចូលរួមដើម្បីត្រៀមលក្ខណ:សម្រាប់ព្រឹត្តិការណ៍ស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ។
លោក បណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានមានប្រសាសន៍ថា បន្ទាប់ពីបានសិក្សាអស់រយៈពេល ៥ថ្ងៃ តាមរយៈគ្រូឧទ្ទេសមកពីសហព័ន្ធកីឡាបាល់ទះអាស៊ី សិក្ខាកាមដែលបានចូលរួមបានទទួលចំណេះដឹងបន្ថែម មិនត្រឹមតែផ្នែកទ្រឹស្ដីប៉ុណ្ណេះទេ ក៏មានការអនុវត្តជាក់ស្ដែងផងដែរ។
ចំពោះដំណាក់កាលនៃការសិក្សា វគ្គបណ្ដុះបណ្ដាលប្រព័ន្ធ Volleyball Information System (VIS) និង E-Scoresheet Computer Program រួមមាន៖
ថ្ងៃទី១៖ សិក្សាអំពី E-Scoresheet ចាប់ផ្ដើមពីមូលដ្ឋានគ្រឹះ និងតម្រូវការផ្សេងៗសម្រាប់ការគ្រប់គ្រង់ប្រព័ន្ធ
ថ្ងៃទី២៖ អនុវត្ត ពីកម្មវិធីដែលបានសិក្សា E-Scoresheet និងការវាយតម្លៃ
ថ្ងៃទី៣៖ សិក្សាពីប្រព័ន្ធ VIS ចាប់ផ្ដើមពីមូលដ្ឋានគ្រឹះ ទម្រង់នៃការប្រកួត អ្នកវិភាគ និងការកត់ត្រា VIS
ថ្ងៃទី៤៖ ការអនុវត្តលើប្រព័ន្ធគ្រប់គ្រង់ VIS
ថ្ងៃទី៥៖ ការចុះអនុវត្តប្រព័ន្ធគ្រប់គ្រង់ VIS ដោយផ្ទាល់ លើកការប្រកួតជាក់ស្ដែង។
អគ្គលេខាធិការសហព័ន្ធកីឡាបាល់ទះកម្ពុជា បន្ថែមថា ក្រោយឆ្លងកាត់ការសិក្សារយ:ពេល ៥ថ្ងៃរួចមកលោកបានវាយតម្លៃខ្ពស់ចំពោះការខិតខំ ប្រឹងប្រែងរបស់សិក្ខាកាមទាំងអស់នឹងទទួលបានចំណេះដឹងកាន់តែច្រើន និងមានសមត្ថភាព បច្ចេកទេសក្នុងការចុះអនុវត្តជាក់ស្តែងនាពេលខាងមុខ ជាពិសេដើម្បីពង្រឹងសមត្ថភាពមន្ត្រីបច្ចេកទេសរបស់សហព័ន្ធកីឡាបាល់ទះកម្ពុជា ឲ្យស្របទៅតាមផែនការអភិវឌ្ឍធនធានមនុស្សរបស់សហព័ន្ធ ក្នុងការគ្រប់គ្រង់បែបបច្ចេកវិទ្យាក្នុងពេលប្រកួត នឹងត្រៀមលក្ខណ:សម្រាប់ព្រឹត្តិការណ៍កីឡាស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ៕
អត្ថបទ ៖ មន្នីរ័ត្ន
រដ្ឋមន្ត្រីការងារអះអាងថា មានពលករខ្មែរ១០ម៉ឺននាក់ហើយបានបញ្ជួនទៅធ្វើការនៅសាធារណរដ្ឋកូរ៉េ
ក្រសួងវប្បធម៌រកឃើញម្ចាស់ជ័យលាភីមហោស្រពជាតិភាពយន្តខ្នាតខ្លីកម្ពុជាលើកទី៤ ឆ្នាំ២០២៤
ស្ពានឬស្សីកោះប៉ែន ត្រៀមស្វាគមន៍ភ្ញៀវទេសចរឆ្លងឆ្នាំសកល
បំណែកវត្ថុបុរាណជាច្រើន ត្រូវបានអ្នកជំនាញអភិរក្សជួសជុលឱ្យរឹងមាំឡើងវិញ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
-
សន្តិសុខសង្គម៤ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ២ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៧ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៦ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៥ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ២ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៧ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល