ព័ត៌មានជាតិ
ឧត្តមសេនីយ៍ឯក ស ថេត បញ្ជាឲ្យផ្អាកសកម្មភាពចាប់ម៉ូតូ មានបំពង់ស៊ីម៉ាំងឮខ្លាំងបណ្តោះអាសន្នសិន
បន្ទាប់ពីមានការមន្ត្រីនគរបាលមួយចំនួន អនុវត្តលើសតាមបទបញ្ជាធ្វើឲ្យមានប្រជាពលរដ្ឋខ្លះ មានការថ្នាំងថ្នាក់នោះ ឧត្តមសេនីយ៍ឯក ស ថេត បញ្ជាឲ្យនគរបាលរាជធានីភ្នំពេញ ផ្អាកសកម្មភាពចាប់ម៉ូតូ ដែលមានបំពង់ស៊ីម៉ាំងឮខ្លាំងជាបណ្តោះអាសន្នសិន។
ក្នុងសារសំឡេងផ្ញើទៅកាន់នគរបាលរាជធានីភ្នំពេញ កាលពីរសៀលថ្ងៃទី១១ ខែមករា ឆ្នាំ២០២១ លោកឧត្តមសេនីយ៍ឯក ស ថេត បានថ្លែងបញ្ជាក់ថា កងកម្លាំងនគរបាលទាំង១៤ខណ្ឌក្នុងរាជធានីភ្នំពេញ ត្រូវផ្អាកសកម្មភាពចាប់ម៉ូតូធំ ដែលមានបំពង់ស៊ីម៉ាំងឮខ្លាំង បង្កការរំខានដល់ប្រជាពលរដ្ឋជាបណ្ដោះអាសន្នសិន រង់ចាំទទួលបញ្ជាថ្មីពីនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ ដើម្បីចៀសវាងនូវការថ្នាំងថ្នាក់ជាមួយប្រជាពលរដ្ឋ ព្រោះម៉ូតូខ្លះមិនបានកែច្នៃនោះទេ ពោលមានសំណុំដើមមកពីរោងចក្រតែម្ដង។ ក្រោយមានបទបញ្ជាពីសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងនាយឧត្តមសេនីយ៍សន្ដិបណ្ឌិត នេត សាវឿន ឲ្យចាប់ម៉ូតូកែច្នៃបំពង់ស៊ីម៉ាំងឮខ្លាំងបង្កការរំខាននោះ មានមន្ដ្រីមួយចំនួនបានអនុវត្តលើសពីការណែនាំ ហើយមានរូបភាពខ្លះ ចូលចាប់ដល់ក្នុងផ្ទះតែម្ដង ដែលជាការខុសពីបទបញ្ជា ខណៈឯកឧត្ដមក៏បានមិនបានបញ្ជាឲ្យអនុវត្តបែបនេះនោះដែរ។
គួរបញ្ជាក់ថា ការចេញបទបញ្ជាឲ្យ កម្លាំងនគរបាល បើកស្រាវជ្រាវកំណត់អត្តសញ្ញាណម៉ូតូធំ ដែលបង្កសំឡេងរំខានដល់ប្រជាពលរដ្ឋរបស់ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ កាលពីព្រឹកថ្ងៃទី៨ ខែមករាកន្លងទៅ និង ការចេញបទឲ្យផ្អាកសកម្មភាពចាប់ម៉ូតូ ដែលមានបំពង់ស៊ីម៉ាំងឮខ្លាំងនេះ ធ្វើឡើង បន្ទាប់ពី មានករណីក្មេងទំនើងមួយចំនួនជិះម៉ូតូធំ កែច្នៃបំពង់ស៊ីម៉ាំង ខុសលក្ខណៈបច្ចេកទេសនៃទ្រង់ទ្រាយដើម ហើយមានសំឡេងឮខ្លាំងបង្កការរំខានដល់ប្រជាពលរដ្ឋ ពិសេសថ្នាក់ដឹកនាំជាន់របស់រាជរដ្ឋាភិបាល ដោយសំឡេងបំពង់ស៊ីម៉ាំងនេះ ផងដែរ។
លោក សាន សុខសីហា អ្នកនាំពាក្យស្នងការនគរបាលរាជធានីភ្នំពេញបានឲ្យដឹងថា រយៈពេលប៉ុន្មានថ្ងៃនេះ សមត្ថកិច្ចគនរបាលរាជធានីភ្នំពេញ បានចាប់ឃាត់ម៉ូតូកែច្នៃស៊ីម៉ាំង ឬម៉ូតូដែលមានសំឡេងបំពងខុសលក្ខណៈបច្ចេកទេស បង្កការរំខានដល់ដំណេករបស់ប្រជាពលរដ្ឋចំនួន៦៤ គ្រឿង ដើម្បីធ្វើការណែនាំ និងអប់រំ។ លោក បានបន្តថា នេះមិនមែនជាយុទ្ធនាការថ្មីនោះទេ ពីព្រោះសកម្មភាពនេះ សមត្ថកិច្ចរាជធានីភ្នំពេញ បានធ្វើជាបន្តបន្ទាប់យូរហើយ ប៉ុន្តែចំនួន៦៤គ្រឿងនេះ គឺយើងគិតចាប់ពីថ្ងៃ ដែលសម្ដេចក្រឡាហោម ស ខេង បានអំពាវនាវជាថ្មីកាលពីប៉ុន្មានថ្ងៃមុននេះ។ លោកបញ្ជាក់ថា ម៉ូតូទាំងអស់ដែលបានចាប់ឃាត់នោះ ត្រូវបានរក្សាទុកនៅតាមខណ្ឌ ដែលជាអ្នកបង្ក្រាបនោះ ហើយហៅម្ចាស់មកណែនាំអប់រំ។ ប្រសិនបើម៉ូតូទាំងនោះ ជាម៉ូតូច្នៃបំពង់ស៊ីម៉ាំង គឺត្រូវឲ្យដោះចេញ ហើយយកបំពង់ស៊ីម៉ាំងដើមមកដាក់វិញ។
លោក សាន សុខសីហា បានបញ្ជាក់ដែរថា កន្លងមកសមត្ថកិច្ចមិនបានធ្វើការពិន័យអ្វីនោះទេ គឺគ្រាន់តែចាប់ឃាត់ និងធ្វើការណែនាំអប់រំ ហើយយកបំពង់ស៊ីមុំាងអូរីជីណល (Original) នោះ យកមកដាក់វិញប៉ុណ្ណោះ រួចហើយហៅឪពុកម្ដាយឲ្យមកធ្វើការធានា ដើម្បីយកត្រឡប់ទៅវិញ។ លោកអះអាងថា កន្លងមកបើទោះបីជាមិនមានការពិន័យធ្ងន់ធ្ងរអ្វីក៏ដោយ ក្រោយពីមានសកម្មភាពរបស់សមត្ថកិច្ចលើបញ្ហានេះ ក៏មានការកាត់បន្ថយច្រើនដែរ ទាក់ទងទៅនឹងក្មេងទំនើង ដែលតែងតែកែច្នៃម៉ូតូ បង្កការរំខានដល់ប្រជាពលរដ្ឋនោះ ដូច្នេះវាមានប្រសិទ្ធភាពច្រើនដែរ មិនបានរំខានទៅដល់ប្រជាពលរដ្ឋដែលសម្រាកនៅពេលយប់ និងថ្ងៃ៕
អត្ថបទ៖ សំអឿន
កសិករនៅស្រុកបារ៉ាយណ៍ បង្ហាញក្ដីសប្បាយរីករាយ ក្រោយអ្នកឧកញ៉ា ឡេង ណាវ៉ាត្រា បន្តក្នុងបុព្វហេតុរួមគ្នាជួយកសិករយើង រួមគ្នាជួយជាតិ និងប្រជាជនយើង
មនុស្ស៣នាក់បានស្លាប់ និង២នាក់ទៀតកំពុងជួយសង្គ្រោះ សង្ស័យករណីពុលស្រា ស
ប្រធានសហគមន៍ដែនជម្រកសត្វព្រៃសង្ឃរុក្ខាវន្ត អំពាវនាវប្រជាពលរដ្ឋ ឱ្យបញ្ឈប់លបលួចបរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស
សង្គមស៊ីវិល សហជីព និងពលរដ្ឋចាត់ទុកកម្មវិធី«ផ្តល់ដី ការពារព្រៃ» គឺជាយន្តការដោះស្រាយបញ្ហាដីធ្លីជូនគ្រួសារក្រីក្រយ៉ាងពិតប្រាកដ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Selena ត្រូវគេគំរាមឲ្យចេញពីអាមេរិក ខណៈ Justin បែរបង្ហោះរូបសើចហាក់ឌឺដង
ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
បុរសម្នាក់ ដុតផាវលេងមិនប្រយ័ត្ន ផ្ទុះបែកប្រអប់ដៃម្ខាង នៅខេត្តមណ្ឌលគិរី
-
ចរាចរណ៍៥ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៥ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ២២ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ១ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៧ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង