ថៃ ប្រកាសមិនមានពលរដ្ឋ ស្លាប់ឬរបួសទេ ក្នុងគ្រោះរញ្ជួយដីនៅ តួកគី

គិតត្រឹមពេលនេះ គ្មានជនជាតិថៃណាម្នាក់ ត្រូវបានរាយការណ៍ថា រងរបួស ឬស្លាប់ក្នុងគ្រោះរញ្ជួយដីដ៏ធំ ដែលវាយប្រហារប្រទេសតួកគី និងស៊ីរី កាលពីថ្ងៃចន្ទទី០៦ខែកុម្ភៈនោះទេ។ នេះបើយោងតាមការឲ្យដឹងពីក្រសួងការបរទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងលោកស្រី Kanchana Patarachoke និយាយថា ចំណុចកណ្តាលនៃការរញ្ជួយដីកម្រិត ៧.៨រ៉ិចទ័រ គឺនៅខេត្ត Karamanmaras ក្បែរព្រំដែនតួកគី-ស៊ីរី ចម្ងាយប្រហែល៦០០គីឡូម៉ែត្រ ភាគខាងកើតនៃរដ្ឋធានី អង់ការ៉ា។

គិតត្រឹមម៉ោង ១១ព្រឹកថ្ងៃអង្គារ (ម៉ោងនៅកម្ពុជា) ចំនួនមនុស្សស្លាប់បានកើនឡើងលើស៤៣០០នាក់ហើយ ដោយក្នុងនោះ អាជ្ញាធរតួកគីរាយការណ៍ថា មានមនុស្សស្លាប់ចំនួន ២៩២១នាក់ និងប្រទេសស៊ីរីបានកត់ត្រាចំនួនមនុស្សស្លាប់ ១៤៤៤នាក់ ធ្វើឲ្យចំនួនសរុបកើនឡើងដល់៤៣៦៥នាក់។

ទោះបីជាយ៉ាងណាក៏ដោយ ចំនួនអ្នកស្លាប់ត្រូវបានគេរំពឹងថា នឹងកើនឡើងជាបន្តទៀត ខណៈក្រុមរុករក និងជួយសង្គ្រោះ ពិនិត្យមើលតាមអគារដែលដួលរលំ។

លោកស្រី Kanchana និយាយថា ចំណុចកណ្តាលនៃការរញ្ជួយដីនេះ គឺស្ថិតនៅរាងឆ្ងាយដែរ ពីសហគមន៍ថៃនៅក្នុងទីក្រុងអ៊ីស្តង់ប៊ុល និងអង់ការ៉ា។ មានតែជនជាតិថៃមួយចំនួនតូចប៉ុណ្ណោះរស់នៅក្នុងខេត្ត Gaziantep ដែលជាកន្លែងជួបការរញ្ជួយលើកទីពីរ៕

ប្រែសម្រួល៖​ Vann Vann

ប្រភព៖ Nation

ចុចអាន៖ មូលហេតុ ដែលគ្រោះរញ្ជួយដីនៅ តួកគី សម្លាប់មនុស្សច្រើនដល់ថ្នាក់នេះ