ប្រាសាទបុរាណសម័យរ៉ូម៉ាំង ត្រូវកម្ទេចក្នុងគ្រោះរញ្ជួយដីនៅ តួកគី

ការរញ្ជួយដីដ៏ធំ ដែលវាយប្រហារប្រទេសតួកគី និងស៊ីរីកាលពីថ្ងៃចន្ទទី០៦ខែកុម្ភៈ បានធ្វើឲ្យខូចខាតយ៉ាងធ្ងន់ធ្ងរដល់ ប្រាសាទ Gaziantep ដែលជាទីតាំងប្រវត្តិសាស្ត្រ និងជាកន្លែងទាក់ទាញភ្ញៀវទេសចរនៅភាគអាគ្នេយ៍ប្រទេសទួរគី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាសាទ​នេះ​បាន​បាក់​ ​ក្នុង​អំឡុង​ពេលនៃការ​រញ្ជួយ​ដី​កម្រិត​៧,៨​រ៉ិចទ័រ​។

ទីភ្នាក់ងារព័ត៌មានរដ្ឋតួកគី Anadolu បានរាយការណ៍ថា “បន្ទាយមួយចំនួននៅភាគខាងកើត ភាគខាងត្បូង និងភាគអាគ្នេយ៍នៃប្រាសាទ Gaziantep Castle ត្រូវបានបំផ្លាញដោយការរញ្ជួយដី ខណៈកម្ទេចកម្ទី នៅរាយប៉ាយពាសពេញផ្លូវ”។

រនាំងដែកនៅជុំវិញប្រាសាទ បានដួលលើចិញ្ចើមផ្លូវជុំវិញ រីឯជញ្ជាំងនៅជាប់នឹងប្រាសាទក៏ ដួលរលំផងដែរ។ ក្នុងបន្ទាយខ្លះ មានស្នាមប្រេះធំៗត្រូវបានគេសង្កេតឃើញ។

យោងតាមក្រុមបុរាណវិទូ, ដំបូងឡើយ ប្រាសាទនេះត្រូវបានសាងសង់ជាប៉មយាម ក្នុងសម័យរ៉ូម៉ាំងនាសតវត្សទី២និងទី៣នៃគ.ស. ហើយបានកែប្រែទៅតាមពេលវេលា។

ថ្មីៗនេះ ប្រាសាទបានប្រែក្លាយទៅជាសារមន្ទីរការពារជាតិនិងវីរភាពបែប Panoramic៕

ប្រែសម្រួល៖ Vann Vann

ប្រភព៖ CNN

ចុចអាន៖ ថៃ ប្រកាសមិនមានពលរដ្ឋ ស្លាប់ឬរបួសទេ ក្នុងគ្រោះរញ្ជួយដីនៅ តួកគី