ស​ម្ដេចតេជោ ហ៊ុន សែន បំពេញបំណងលោកតាកុងទ្រី ដែលចង់ជួបសម្ដេច និងប្រគល់វត្ថុបុរាណអាយុកាលជិត ៣០០ឆ្នាំ

នៅព្រឹកថ្ងៃទី ៨ ខែកុម្ភៈ ឆ្នាំ ២០២៣នេះ ស​ម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ញាតឲ្យលោកតា កុងទ្រី និងក្រុមគ្រួសារជួបសម្តែងការគួរសម តាមបំណងប្រាថ្នា ដែលចង់ជួបសម្តេចតេជោដោយផ្ទាល់ និងប្រគល់វត្ថុបុរាណជាប៉ាន់តែ អាយុកាលជិត ៣០០ឆ្នាំ ផងដែរ។

កាលពីថ្ងៃទី ២១ ខែមករា ឆ្នាំ ២០២៣កន្លងទៅនេះ គណនីហ្វេសប៊ុកឈ្មោះថា Sana Meas បានបង្ហោះថា «កុង ទ្រី នៅចោមចៅ ជន្មាយុ 82ឆ្នាំ កុង ចង់ជួបសម្តេច ហ៊ុន សែន នាយករដ្ឋមន្ត្រីផ្ទាល់ ដើម្បីជូនវត្ថុបុរាណមួយ ដែលមានអាយុកាលជិត 300ឆ្នាំ ដើម្បីទុកជាវត្ថុអនុស្សាវរីយ៍ អរគុណដល់សម្តេចដែលបានលះបង់កំលាំងកាយចិត្ត ដើម្បីបុព្វហេតុជាតិតាំងពីបាតដៃទទេរ រហូតមានការរីកចម្រើន មានសុខសន្តិភាពក្នុងប្រទេសកន្លងជាង 40 ឆ្នាំមកនេះ🥰 សូមបងប្អូនជួយស៊ែរសម្រេចបំណងលោកតាផង»៕