ដឹងទេ ការរញ្ជួយដីខ្លាំងបំផុតក្នុងប្រវត្តិសាស្រ្តពិភពលោក កើតឡើងនៅឆ្នាំណា​ និងនៅឯណា?

គិតត្រឹមល្ងាចថ្ងៃពុធទី០៨ខែកុម្ភៈ តួលេខមនុស្សស្លាប់ក្នុងគ្រោះរញ្ជួយដី ដែលវាយប្រហារប្រទេសតួកគីនិងស៊ីរី បានកើនលើស ៩ពាន់នាក់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាជាគ្រោះរញ្ជួយដីដ៏ខ្លាំងបំផុតមួយក្នុងឆ្នាំ២០២៣នេះ ជាមួយនឹងកម្លាំង ៧.៨រ៉ិចទ័រ។

យ៉ាងណាក្តី វាមិនមែនជាការរញ្ជួយដីដែលមានកម្លាំងខ្លាំងបំផុតនោះទេ ក្នុងប្រវត្តិសាស្រ្តមនុស្សជាតិ។

ចុះតើអ្នកដឹងទេថាតើ ការរញ្ជួយដីខ្លាំងបំផុតលើពិភពលោកកើតឡើងនៅឆ្នាំណា​ និងនៅឯណា?

មហាសោកនាដកម្មគ្រោះរញ្ជួយដីខ្លាំងបំផុតក្នុងប្រវត្តិសាស្រ្តគឺកើតឡើងនៅប្រទេស ឈីលី ជាមួយកម្លាំង ៩.៥រ៉ិទ័រ និងមានជម្រៅ ៣៣គីឡូម៉ែត្រ។ 

ការរញ្ជួយដីនោះបានវាយប្រហារនៅរសៀលថ្ងៃទី២២ខែឧសភាឆ្នាំ១៩៦០ នៅចម្ងាយប្រហែល ១៦០គីឡូម៉ែត្រពីឆ្នេរសមុទ្រនៃប្រទេសឈីលីស្របនឹងទីក្រុង Valdivia។

ការរញ្ជួយនោះមានរយៈពេលប្រហែល១០នាទី ហើយបានបង្កឲ្យមានរលកយក្សស៊ូណាមិ កម្ពស់រហូតដល់ទៅ២៥ម៉ែត្រឯណោះ។ ឥទ្ធិពលរបស់វាក៏បានសាយភាយដល់រដ្ឋហាវ៉ៃ នៃសហរដ្ឋអាមេរិក, ប្រទេសជប៉ុន, ប្រទេសហ្វីលីពីន, ភាគខាងកើតប្រទេសនូវែលសេឡង់, ភាគអាគ្នេយ៍ប្រទេសអូស្រ្តាលី និងប្រជុំកោះ Aleutian ផងដែរ។

ចំនួនអ្នកស្លាប់ក្នុងគ្រោះរញ្ជួយដីនោះ មិនត្រូវបានគេដឹងប្រាកដទេ ប៉ុន្តែគេប៉ាន់ស្មានថា តួលេខមនុស្សស្លាប់ពីការរញ្ជួយដីនិងរលកយក្សស៊ូណាមិ គឺមានចន្លោះពី ១០០០ ទៅ ៦០០០ ខណៈមនុស្សប្រហែល ៣០០០នាក់បានរងរបួស៕

ប្រែសម្រួល៖ Vann Vann

ប្រភព៖ Wiki

ចុចអាន៖ តួលេខមនុស្សស្លាប់ ក្នុងគ្រោះរញ្ជួយដីនៅ តួកគីនិងស៊ីរី កើនលើស ៩ពាន់នាក់