ស្ពានព្រែកប្រា-ចាក់អង្រែរង់ចាំថ្ងៃបើកការដ្ឋានសាងសង់ឆាប់ៗនេះ

គម្រោងស្ពានព្រែកប្រា-ចាក់អង្រែ គ្រោងបើកការដ្ឋានសាងសង់នៅពេលឆាប់ៗខាងមុខនេះ បន្ទាប់ពីក្រសួងសារធារណការ និងដឹកជញ្ជូនបានបញ្ចប់ការសិក្សាលើគម្រោងមួយនេះរួចរាល់ហើយ។

លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន បានប្រាប់ឱ្យដឹងនៅថ្ងៃទី ១០ ខែកុម្ភៈ ឆ្នាំ ២០២៣នេះថា គម្រោងស្ពាននេះ នឹងធ្វើឱ្យប្រសើរឡើងនូវបណ្តាញហេដ្ឋារចនាសម្ព័ន្ធផ្លូវថ្នល់ក្នុងរាជធានីភ្នំពេញ និងលើកកម្ពស់ការអភិវឌ្ឍសេដ្ឋកិច្ច សង្គម និងទេសចរណ៍ក្នុងរាជធានីភ្នំពេញ។

ម្យ៉ាងទៀតការតភ្ជាប់ត្រើយខាងលិច និងត្រើយខាងកើតនៃទន្លេបាសាក់ ដើម្បីកាត់បន្ថយការស្ទះចរាចរណ៍រវាងត្រើយខាងងលិច និងត្រើយខាងកើត។

ក្រៅពីនេះគម្រោងស្ពាននេះនឹងធ្វើឱ្យប្រសើរឡើងនូវប្រសិទ្ធភាពការដឹកជញ្ជូន និងលំហូរអ្នកដំណើរព្រមទាំងពង្រឹងនូវការតភ្ជាប់សេដ្ឋកិច្ច-សង្គម រវាងរាជធានីភ្នំពេញភាគខាងត្បូង អាកាសយានដ្ឋានអន្តរជាតិភ្នំពេញថ្មី និងក្រុងតាខ្មៅ។

គម្រោងស្ពាននេះ ត្រូវបានសិក្សាបញ្ចប់ដោយក្រុមហ៊ុនចិន Shanghai Construction Group Co.,Ltd. (SCG) ដែលទទួលបានថវិកាពីរាជរដ្ឋាភិបាលចិន៕

អត្ថបទ៖ ឡេង ដេត