តួលេខមនុស្សស្លាប់ ក្នុងគ្រោះរញ្ជួយដី តួកគី-ស៊ីរី កើនលើស ២៣០០០នាក់

ចំនួនមនុស្សស្លាប់បន្ទាប់ពីការរញ្ជួយដី ដែលវាយប្រហារប្រទេសតួកគី និងស៊ីរីក្នុងសប្តាហ៍នេះបានកើនឡើងដល់ ២៣៧២៦នាក់ហើយ។ នេះបើយោងតាមការបញ្ជាក់ពីអាជ្ញាធរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងសុខាភិបាលតួកគីលោក Fahrettin Koca បាននិយាយថា នៅក្នុងប្រទេសតួកគី ចំនួនមនុស្សស្លាប់បានកើនឡើងដល់ ២០២១៣នាក់ ខណៈ៨០០៥២នាក់ទៀតរងរបួស។

ចំណែកក្រុមការពារជនស៊ីវិល មួកស បានឲ្យដឹងថា ចំនួនមនុស្សស្លាប់សរុបនៅក្នុងប្រទេសស៊ីរីបានកើនដល់ ៣៣៨៤នាក់។ ក្នុងនោះ ២១៦៦នាក់ ស្លាប់នៅក្នុងតំបន់ដែលគ្រប់គ្រងដោយក្រុមឧទ្ទាម និង១៣៤៧នាក់ ក្នុងតំបន់គ្រប់គ្រងដោយរដ្ឋាភិបាលស៊ីរី។

ចំនួនអ្នករងរបួសនៅក្នុងប្រទេសស៊ីរីនៅទូទាំងតំបន់ដែលរងផលប៉ះពាល់ទាំងអស់មានចំនួន 5,245 នាក់ ជាមួយនឹង 2,295 នាក់នៅក្នុងតំបន់ដែលគ្រប់គ្រងដោយរដ្ឋាភិបាល និង 2,950 នៅក្នុងតំបន់កាន់កាប់ដោយក្រុមឧទ្ទាម។

រីឯចំនួនមនុស្សរងរបួសទាំងអស់នៅក្នុងប្រទេសស៊ីរី គឺ ៥២៤៥នាក់៕

ប្រែសម្រួល៖ Vann Vann

ប្រភព៖ CNN

ចុចអាន៖ មនុស្សស្លាប់កើនលើស ២ម៉ឺននាក់ហើយ ក្នុងគ្រោះរញ្ជួយដី តួកគី-ស៊ីរី