ព័ត៌មានអន្ដរជាតិ

លោក Zelensky ឲ្យពិភពលោកដក រុស្ស៊ី ចេញពីប្រព័ន្ធហិរញ្ញវត្ថុសកល

បានផុស

២ years មុន

នៅ

ថ្ងៃចន្ទ ១៣ កុម្ភៈ ២០២៣

ដោយ

ប្រធានាធិបតីអ៊ុយក្រែនលោក Volodymyr Zelensky បាននិយាយថា ប្រទេសរបស់លោកនឹងបន្តធ្វើការជាមួយសហគមន៍អន្តរជាតិ ដើម្បីបង្កើនការដាក់សម្ពាធលើរុស្ស៊ី ជាពិសេសលើប្រព័ន្ធហិរញ្ញវត្ថុ ខណៈលោកបានអំពាវនាវដល់ពិភពលោក ដាក់រុស្ស៊ីឲ្យនៅឯកោក្នុងប្រព័ន្ធមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសារតាមវីដេអូមួយកាលពីថ្ងៃអាទិត្យ Zelensky និយាយថា អ្វីៗទាំងអស់របស់រុស្ស៊ីដែលជាប់ពាក់ព័ន្ធក្នុងសង្គ្រាមលុកលុយលើអ៊ុយក្រែន ជាពិសេសគឺហិរញ្ញប្បទានរបស់រុស្ស៊ី ត្រូវតែកាត់ផ្ដាច់ចេញពីពិភពលោក ។

ទន្ទឹមនោះ លោក Zelensky ក៏បានបញ្ជាក់ដែរថា អ៊ុយក្រែន និងសម្ព័ន្ធមិត្តលោកខាងលិច ក៏នឹងដាក់ទណ្ឌកម្មថ្មីបន្ថែមទៀតផងដែរ លើឧស្សាហកម្មនុយក្លេអ៊ែររបស់រុស្ស៊ី ។

ការលើកឡើងរបស់លោក Zelensky បានកើតឡើង ស្របពេលដែលទីក្រុងមូស្គូកំពុងបង្កើនការវាយលុករបស់ខ្លួនទាំងនៅខាងក្នុង និងជុំវិញតំបន់ភាគខាងកើតអ៊ុយក្រែន ជាពិសេសរុស្ស៊ីកំពុងព្យាយាមដណ្តើមកាន់កាប់ទីក្រុង Bakhmut ដែលជាបន្ទាយដ៏រឹងមាំរបស់អ៊ុយក្រែននៅភាគខាងកើតនៃសាធារណរដ្ឋ Donetsk ៕

ប្រែសម្រួលដោយ ៖ នាង រនតៈ

ប្រភព ៖ NHK

ចុចអាន ៖ លោក Lavrov ៖ អាមេរិក ទទួលស្គាល់ថា ពិតជាអ្នកបំផ្ទុះបំពង់បង្ហូរប្រេង Nord Stream មែន