ការងារទាំង២៧ ថៃទុកសម្រាប់តែប្រជាជនខ្លួនប៉ុណ្ណោះ បើពលករចំណាកស្រុកហ៊ានធ្វើ គឺខុសច្បាប់ (មានវីដេអូ)

កាលពីពេលថ្មីៗនេះ ប្រទេសថៃ​ បានប្រកាស​ពិន័យលើពលករ​ចំណាក​ស្រុក ប្រសិន​បើ​​រក​ឃើញ​ថា ពួកគេ​លួច​ការងារ​របស់ប្រជាជនថៃ។

លោកនាយករដ្ឋមន្ត្រី ប្រាយុទ្ធ ចាន់អូចា បានបញ្ជាឲ្យនាយកដ្ឋានការងារ អនុវត្តច្បាប់ជាបន្ទាន់ ខណៈមានពលករចំណាកស្រុកកាន់តែច្រើនឡើងៗ កំពុងធ្វើការងារដែលថៃកំណត់ទុកឲ្យពលរដ្ឋរបស់ខ្លួន។

នាយកដ្ឋានការងារបានពិនិត្យពលករចំណាកស្រុកចំនួន ១៩៦៤០២នាក់ ដែលក្នុងនោះមានមីយ៉ាន់ម៉ា២៦៤នាក់, កម្ពុជា១២១នាក់, ឡាវ១២១នាក់, វៀតណាម៩៧នាក់, ឥណ្ឌា៣៩នាក់, និង២៨នាក់មកពីប្រទេសផ្សេងៗ ហើយរកឃើញថា ក្នុងចំណោមពួកគេ មាន៦០០នាក់ បានធ្វើការងារ ដែលគេបម្រុងទុកប្រជាជនថៃ។ 

រដ្ឋមន្ត្រីក្រសួងការងារ លោក Suchart Chomklin បានព្រមានថា ពលករចំណាកស្រុកដែលត្រូវបានគេរកឃើញថា ធ្វើការដោយគ្មានប័ណ្ណការងារត្រឹមត្រូវ ឬកំពុងធ្វើការងារមានកម្រិត អាចនឹងត្រូវពិន័យជាប្រាក់រហូតដល់៥០០០០បាត។

លើសពីនេះ និយោជកដែលត្រូវគេរកឃើញថា បានជួលកម្មករចំណាកស្រុកបែបនេះ ក៏នឹងត្រូវពិន័យជាប្រាក់ដល់ទៅ ១០០ ០០០បាតផងដែរ សម្រាប់ការបំពានច្បាប់ឆ្នាំ២០១៧។

ដូចនេះតើការងារអ្វីខ្លះដែលថៃ បម្រុងទុកសម្រាប់ឲ្យប្រជាជនរបស់ខ្លួនធ្វើ ហើយហាមឃាត់ចំពោះពលករចំណាកស្រុក?

ខាងក្រោមនេះ គឺជាការងារទាំង ២៧ ដែលថៃទុកសម្រាប់តែប្រជាជនខ្លួនប៉ុណ្ណោះ បើពលករចំណាកស្រុកហ៊ានធ្វើគឺខុសច្បាប់៖

1. ជាងចម្លាក់ឈើ
2. អ្នកបើកបរដឹកជញ្ជូនសាធារណៈ
3. អ្នកធ្វើការងារខាងដេញថ្លៃ
4. អ្នកកាត់ត្បូង
5. ជាងកាត់សក់
6. អ្នកត្បាញក្រណាត់
7. អ្នកត្បាញកន្ទេល
8. អ្នកធ្វើក្រដាសខ្ចប់
9. ម្នាងសិលា
10. អ្នកផលិតឧបករណ៍ភ្លេងថៃ
11. អ្នកធ្វើនីឡូវែរ
12. ជាងមាស ប្រាក់ និងស្ពាន់
13. ការងារធ្វើពីលង្ហិនប៉ូលា
14. អ្នកធ្វើតុក្កតាថៃ
15. អ្នកធ្វើបាត្រលោក
16. អ្នកត្បាញក្រណាត់សូត្រធ្វើដោយដៃ
17. ជាងចម្លាក់ព្រះពុទ្ធរូប
18. អ្នកធ្វើឆ័ត្រក្រដាសប្រពៃណី
19. ភ្នាក់ងារឈ្មួញកណ្តាល
20. អ្នកធ្វើការងារម៉ាស្សាបែបប្រពៃណីថៃ
21. អ្នកមូរបារី
22. មគ្គុទេសក៍ទេសចរណ៍
23. អ្នកដើរលក់របស់កំប៉ិកកំប៉ុក
24. អ្នកវាយអក្សរ
25. អ្នកក្រងខ្សែអំបោះ
26. លេខា
27. អ្នកផ្តល់សេវាដោះស្រាយវិវាទ

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Thaiger

ចុចអាន៖ ថៃ ប្រកាស! ពលករ​ចំណាក​ស្រុក រួមទាំងខ្មែរផងដែរ បើលួចការងារប្រជាជនរបស់ខ្លួន នឹងត្រូវពិន័យ