ហ្វេនខឹងជំនួស ក្រោយរឿងភាគចិនមួយ យករូបភាព Rosé ទៅផ្សព្វផ្សាយក្នុងឈុតរកស៊ីផ្លូវភេទ

រឿងភាគចិនមួយកំពុងផ្ទុះមតិះរិះគន់កប់ៗមាត់ ក្រោយបង្ហាញឈុតជួញដូរផ្លូវភេទ ដែលផលិតករបានយករូបភាពរបស់ Rosé សមាជិក BLACKPINK ដាក់នៅលើកាតាឡុក។

រឿងភាគ Justice in the Dark បានចាក់ផ្សាយឈុតមួយដែលបុរសពីរនាក់កំពុងរកមើលជ្រើសរើសក្មេងស្រីៗសម្រាប់ការងារផ្លូវភេទរបស់ពួក ខណៈរូបជាច្រើនដែលបុរសទាំងពីរកំពុងមើល មានម្នាក់ជារូបភាពរបស់ Rosé ។ រូបភាពដែលរឿងភាគ Justice in the Dark យកទៅប្រើប្រាស់ជារូបរបស់ Rosé ធ្លាប់បង្ហោះនៅលើបណ្តាញសង្គមរបស់នាង កាលពីឆ្នាំមុន។ ទោះបីរូបភាពនោះត្រូវបាន photoshop ប៉ុន្តែហ្វេនៗនៅតែស្គាល់ថាជារូបរបស់ Rosé​​ ពិតៗ។

ឈុតនេះបានទាក់ទាញអ្នកគាំទ្រ K-Pop យ៉ាងខ្លាំង នៅពេលដែលពួកគេដឹងថារូបភាពរបស់ Rosé ត្រូវបានប្រើប្រាស់ដោយមិនទទួលខុសត្រូវនៅក្នុងកាតាឡុកនារីរកស៊ីផ្លូវភេទ។ អ្នក​និយម​លេង​អ៊ីនធឺរណិតទាំងនៅប្រទេសចិន និងកូរ៉េខាងត្បូង​បានខឹងសម្បារ និងចាប់​ផ្ដើម​ហៅ​រឿង​នេះ​ថា​មិនជាទង្វើមិន​សមរម្យ។

ពេលនេះ ក្រុម​ការងាររបស់​រឿង​ Justice in the Dark ​បានលុប​ឈុត​នោះចេញហើយ ប៉ុន្តែពុំមានចេញសេចក្ដីថ្លែងការណ៍សុំទោសជាសាធារណៈនោះទេ៕

ប្រែសម្រួល៖ សន្យា

ចុចអាន៖ ឆ្នាំ២០២៣ Kimberley កើនទ្រព្យសុទ្ធមិនធម្មតា និងកំពុងត្រៀមទទួលមរតករាប់លានដុល្លារ

ចុចអាន៖ សម្ងំព្យាបាលខ្លួនជាង ៦ខែ Shawn Mendez នៅតែមិនទាន់ជាសះស្បើយពីជំងឺផ្លូវចិត្ត