ព័ត៌មានជាតិ

ក្រុមហ៊ុនចំនួន ៣ វិនិយោគសេវាទឹកស្អាតនៅខេត្តកោះកុង

បានផុស

២ years មុន

នៅ

ថ្ងៃពុធ ២២ កុម្ភៈ ២០២៣

ដោយ

ក្រុមហ៊ុនចំនួន ៣ កំពុងវិនិយោគសេវាទឹកស្អាតនៅក្នុងខេត្តកោះកុង។ បើយោងតាមរបាយការណ៍រដ្ឋបាលខេត្តកោះកុងនៅក្នុងសន្និសីទធ្វើឡើងកាលពីម្សិលមិញនេះនៅទីស្តីការគណៈរដ្ឋមន្រ្តី ក្រុមហ៊ុនទាំង ៣ ដែលកំពុងវិនិយោគសេវាទឹកស្អាតក្នុងខេត្តកោះកុង មានក្រុមហ៊ុន L.Y.P Group មានទីតាំងនៅភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដែលវិនិយោគផ្នែកទឹកស្អាតគ្របដណ្តប់បានចំនួន ០៣ សង្កាត់ និង ១១ ភូមិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនបានកសាងទំនប់ស្ទាក់ទឹកជ្រោះតាប៉ន ដែលមានចំងាយពីទីរួមខេត្ត ៧ គីឡូម៉ែត្រ ស្ថិតនៅភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដែលអាចផ្ទុកទឹកបានកម្ពស់ ២៥ ម៉ែត្រ និងអាចស្តុកទឹកបានប្រហែលជា ៣ លានម៉ែត្រគីប និងមានអាងប្រព្រឹត្តកម្មចំនួន ២ ដែលអាចស្តុកទឹកបានចំនួន ២០.០០០ ម៉ែត្រគីប។

ដោយឡែកក្រុមហ៊ុនពីរទៀតមានក្រុមហ៊ុនលោក កើត ព្រហស្ថវរៈ មានទីតាំងផលិតនៅភូមិបឹងព្រាវ ឃុំបឹងព្រាវ ស្រុកស្រែអំបិល ខេត្តកោះកុង ដែលវិនិយោគផ្នែកទឹកស្អាតគ្របដណ្តប់បានចំនួន ២ ឃុំ និង ៦ ភូមិ និងក្រុមហ៊ុនលោកស្រី ហុង មុំ មានទីតាំងផលិតនៅភូមិថ្មស ឃុំថ្មស ស្រុកបុទុមសាគរ ខេត្តកោះកុង វិនិយោគផ្នែកទឹកស្អាតគ្របដណ្តប់បានចំនួន ២ ភូមិ៕