វ័យ ៤១ឆ្នាំដូចគ្នា Song Hye Kyo និង Jun Ji Hyun ឈរនៅលើតារាងតារាស៊ីថ្លៃខ្ពស់ជាងគេដូចគ្នា

ក្នុងវ័យ ៤១ឆ្នាំ នាឆ្នាំ២០២៣នេះ តារាសម្ដែង Song Hye Kyo និង Jun Ji Hyun បានក្លាយជាតារាស្រីលំដាប់កំពូលប្រចាំកូរ៉េខាងត្បូង ក្រោយពេលអ្នកទាំងពីររកចំណូលបានខ្ពស់ជាងគេក្នុងវិស័យភាពយន្ត និងជាតារាស្រីស៊ីថ្លៃលើសគេក្នុងឧស្សាហកម្មកម្សាន្តរបស់ប្រទេស។

ប្រភពពី Soompi បានឱ្យដឹងថា Song Hye Kyo និង Jun Ji Hyun អាចរកចំណូលបានយ៉ាងហោច ២០០លានវ៉ុន (ប្រហែល ១៥២,០០០ដុល្លារអាមេរិក) ក្នុង​មួយ​ភាគ ឬ ១.៦លានដុល្លារ ក្នុងមួយរឿងពេញ។ ចំណែកការថតពាណិជ្ជកម្មតារាទាំងពីរដួង ស៊ីថ្លៃមួយស្ពតប្រមាណ ៨៥២,០០០ដុល្លារ។

ដោយសារទទួលបានចំណូលយ៉ាងខ្ពស់ពីអាជីពសិល្បៈ នៅដើមឆ្នាំ២០២៣នេះ Song Hye Kyo កំពុងក្ដោបក្ដាប់ទ្រព្យសម្បត្តិប្រមាណ ២៥លានដុល្លារ រីឯ Jun Ji Hyun វិញមានទ្រព្យសម្បត្តិប្រមាណ ៤០លានដុល្លារអាមេរិក៕

ប្រែសម្រួល៖ សន្យា

ចុចអាន៖ ប្រឡូកសិល្បៈជិត ៣០ឆ្នាំ Kwan សល់ទ្រព្យមិនច្រើនទេក្នុងដៃ

ចុចអាន៖ អតីតនាយកផលិតកម្ម YG រំពឹងថា Chiquita សមាជិក BABYMONSTER អាចជំនួសតំណែង Lisa