សុខភាព

ការពិតអំពីផ្តាសាយបក្សី តើជំងឺនេះឆ្លងទៅមនុស្សដោយរបៀបណា?

បានផុស

៤ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

ថ្មីៗនេះមានករណីផ្ទុះជំងឺគ្រុនផ្តាសាយបក្សី H5N1 ដែលបណ្តាលឲ្យសត្វមាន់ទាស្លាប់ជាង ១ពាន់ក្បាលនៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង។ តែទោះយ៉ាងអាជ្ញាធរអះអាងថា ជំងឺនេះមិនឆ្លងមកមនុស្សនោះទេ។ នៅកម្ពុជាផ្ទុះជំងឺគ្រុនផ្តាសាយបក្សីដំបូងនៅអំឡុង ខែមករា ឆ្នាំ២០០៤ និងជាបន្តបន្ទាប់ទៀត។ តើអ្វីទៅជាជំងឺផ្តាសាយបក្សី H5N1? វីរុសនេះឆ្លងទៅមនុស្សដោយរបៀបណា?

១. អ្វីទៅជាជំងឺផ្តាសាយបក្សី H5N1 ?

វីរុសផ្តាសាយបក្សី H5N1 គឺជាវីរុសគ្រុនផ្តាសាយមួយប្រភេទដែលបណ្តាលឱ្យមានជំងឺផ្លូវដង្ហើមធ្ងន់ធ្ងរ និងឆ្លងខ្លាំងនៅក្នុងបក្សី ដែលគេហៅថាជំងឺផ្តាសាយបក្សី នេះបើតាមអង្គការសុខភាពពិភពលោក (WHO)។ ការចម្លងជំងឺគ្រុនផ្តាសាយបក្សីពីមនុស្សម្នាក់ទៅម្នាក់ទៀតជារឿងកម្រ តែប្រសិនបើឆ្លងហើយ អត្រាស្លាប់មានដល់ ៦០% ឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. វីរុស H5N1 ឆ្លងទៅមនុស្សរបៀបណា?

ការឆ្លងមេរោគ H5N1 លើមនុស្សអាចជាមូលហេតុបង្កឲ្យមានជំងឺធ្ងន់ធ្ងរ ហើយអត្រាស្លាប់ខ្ពស់។ ប្រសិនបើវីរុសនេះប្រែរូប វាអាចចម្លងយ៉ាងងាយពីមនុស្សម្នាក់ទៅមនុស្សម្នាក់ទៀត ហើយភាគច្រើននៃការចម្លងនោះ តាមរយៈការប៉ះពាល់ ឬបរិភោគសត្វឈឺ ដែលចម្អិនមិនបានល្អ។